கங்கா சந்திரமுகியா மாறுறதும்.. பாட்ஷா மாணிக்கமா மாறுறதும்தான்.. இங்க கல்யாண வாழ்க்கை!
சென்னை : பெண் மனது எவ்வளவு ஆழமானதோ, அதைவிட ஆழமானது இந்த திருமண வாழ்க்கை. அந்த ஆழ்கடலில் மூழ்கி முத்தெடுத்தவர்களைவிட, மூச்சுத் திணறி தப்பிக்க நினைப்பவர்கள்தான் அதிகம் என மீம்ஸ் போட்டுப் புலம்பி வருகின்றனர்.
'எப்போது மற்றவர்களைப் போல் நமக்கும் திருமணம் ஆகும், நம்மைவிட சிறிய வயது கொண்டவர்களுக்கெல்லாம் திருமணமாகி விட்டதே, நமக்கு இன்னமும் திருமணம் ஆகவில்லையே' என விதவிதமாகப் புலம்பியவர்கள்தான், திருமணத்திற்குப் பிறகு, 'இதுக்கு பேசாம பேச்சுலர்ஸாவே இருந்திருக்கலாம்.. கல்யாணம் பண்ணி சுதந்திரம் எல்லாம் போச்சு' எனப் புலம்புகின்றனர். இந்தப் புலம்பலில் ஆண், பெண் பேதமில்லை என்பதுதான் முக்கியமானது.
அதிலும் சமூகவலைதளப் பக்கங்கள் வந்த பிறகு, மற்றவர்களிடம் புலம்ப வேண்டிய தேவை இல்லாமல், மீம்ஸ்களாக அதில் புலம்பித் தீர்த்துக் கொள்கின்றனர். சமயத்தில் தாங்கள் அடி வாங்கிய கதையைக்கூட, நகைச்சுவையான மீம்ஸ்களாக்கி விடுகின்றனர். இப்போதும் அப்படித்தான், இந்தியா - பாகிஸ்தான் போர்ப் பதற்றம்கூட சரியாகி விடும், ஆனால் வீட்டில் கணவன், மனைவி பிரச்சினை அவ்வளவு சீக்கிரத்தில் சரி ஆகாது என மீம்ஸ் போட்டு புலம்பி வருகின்றனர்.
"எல்லை தாண்டிய பயங்கரவாதம் என்பது.. வேறென்ன கிச்சன்ல இருந்து ஹாலுக்கு பறந்து வரும் பூரிக்கட்டையே!" என்றும், "கங்கா சந்திரமுகியா மாறுறதும்.. பாட்ஷா மாணிக்கமா மாறுறதும்தான்.. இங்க கல்யாண வாழ்க்கை!" என்றும் விதவிதமான மீம்ஸ்களால் இணையத்தைக் கலகலக்க வைத்து வருகின்றனர்.
இதோ அப்படியாக நம் கண்ணில் பட்ட சில நகைச்சுவையான மீம்ஸ்களின் தொகுப்பு உங்களுக்காக...
Click it and Unblock the Notifications
Sign in with Google