வீதியெல்லாம் வெள்ளைக்கார ஆன்ட்டியா சுத்திகிட்டு இருந்திருக்கும்..இப்டி துரத்தி விட்டுட்டாங்களே சார்!

சென்னை : சுதந்திர தினம் வந்து விட்டாலே டிவிக்களில் அர்ஜூன் மற்றும் விஜயகாந்த் படத்தை தூசி தட்டிப் போட்டுவிடுகிறார்கள் என சுதந்திரமாக தங்களது கருத்துக்களைப் பகிர்ந்து, தங்களது ஸ்டைலில் சுதந்திர தினத்தைக் கொண்டாடி வருகின்றனர் நம் குறும்புக்கார நெட்டிசன்கள்.

முன்பெல்லாம் சுதந்திர தினம், குடியரசுத் தினம் வருகிறதென்றால், பள்ளி, கல்லூரி, அரசு அலுவலகங்கள் என முக்கியமான இடங்களில் கொடியேற்றி ஆரஞ்சு மிட்டாய் கொடுப்பார்கள். அப்போதைக்கு அதுதான் பலருக்கு கொண்டாட்டமாக இருக்கும். ஆனால், அந்த ஒற்றை ஆரஞ்சு மிட்டாயை வாங்குவதற்குள் எவ்வளவு நேரம் வெயிலில் நின்று, கொடியேற்ற வந்தவர் பேசுவதை எல்லாம் தலையை ஆட்டி ஆட்டி பொறுமையாக கேட்க வேண்டும் என்பதெல்லாம் 90ஸ் கிட்ஸ்களைக் கேட்டால் கதைகதையாகச் சொல்வார்கள்.

ஆனால் இன்று நிலைமை அப்படியில்லை. சுதந்திரம் வாங்கியபோது இருந்தவர்களைவிட இப்போது இருப்பவர்கள் விதவிதமாக சுதந்திர தினத்தைக் கொண்டாடுகின்றனர். அதிலும் இந்த டிவிக்காரர்களின் கொண்டாட்டத்தைச் சொல்ல வார்த்தைகளே இல்லை. இந்த நாளுக்கென்று, அர்ஜூன், விஜயகாந்த் படங்களை தனியே ஒரு அலமாரியிலேயே வைத்திருப்பார்கள் போல.

இது ஒருபுறம் இருக்க, நம் மீமர்கள் வழக்கம் போல் ஒவ்வொரு சுதந்திர தினத்தையும் விதவிதமான மீம்ஸ்களால் கொண்டாடித் தீர்த்து விடுகின்றனர். இப்போதும் அப்படித்தான் சுதந்திர தின வாழ்த்துகளோடு, யார் மனதையும் புண் படுத்தாத வகையில், சுதந்திரத்திற்காக பாடுபட்டவர்களின் தியாகத்திற்கு கடுகளவும் இழுக்கு வந்துவிடாத வகையிலும், ரொம்பவே சூதானமாக, அதே சமயம் நகைச்சுவையாக மீம்ஸ்களைப் பகிர்ந்து வருகின்றனர்.

இதோ. அப்படியாக நம் கண்ணில் பட்ட சில நகைச்சுவையான மீம்ஸ்களின் தொகுப்பு உங்களுக்காக...

English summary

These are some jolly memes collection on Independence day special movies.