படம் நல்லா இல்லன்னு சொல்லல.. நல்லா இருந்திருந்தா நல்லா இருந்திருக்கும்னுதான் சொன்னேன்!

சென்னை : சுதந்திர தினத்தன்று இந்தியர்களாக பெருமைப் படுவோம் என நினைத்ததாலேயோ என்னவோ, மீண்டும் நம் நெட்டிசன்களுக்கு இந்தியன் 2 படம் பற்றிய நினைப்பு வந்துவிட்டது போலும். அதனால் மீண்டும் இந்தியன் தாத்தாவை மீம்ஸ்போட்டு வறுத்தெடுக்க ஆரம்பித்து விட்டனர்.

நமக்கு மிகவும் பிடித்தமானவர்கள், நமக்குப் பிடிக்காத ஒரு விசயத்தை செய்து விட்டால், எப்படி அதை நினைத்து, நினைத்து பீல் பண்ணி, அவர்களைத் திட்டித் தீர்ப்போமோ, அதே போன்ற மனநிலையில்தான் தற்போது சினிமா ரசிகர்களும் இருக்கின்றனர். அதனால்தான் பெரிதும் எதிர்பார்க்கப்பட்ட இந்தியன் 2 படம், எதிர்பார்த்தபடி இல்லாத கோபத்தை அவர்கள் விமர்சனங்களாகவும், மீம்ஸ்களாகவும் சமூகவலைதளப் பக்கங்களில் வறுத்தெடுத்து வருகின்றனர்.

இதுவும் ஒரு வகையான உரிமையான, பாசமான கோபம்தான் என்றாலும், அவர்கள் பகிரும் மீம்ஸ்களைப் பார்த்தால், 'பாவம்.. இந்தியன் 2 படக்குழு' என்றுதான் எண்ணத் தோன்றுகிறது. இடையில் டெட்ஃபூல், ராயன் போன்ற படங்கள் வந்ததால், கொஞ்சம் இந்தியன் 2வை மறந்திருந்த ரசிகர்கள், தற்போது ஓடிடியில் மீண்டும் அப்படம் ரிலீசாக, மீண்டும் அதனை மீம்ஸ் போட்டு கலாய்க்கத் தொடங்கி விட்டனர்.

அதுவும் சுதந்திர தினமான இன்று, ஒருபுறம், 'இந்தியனாக இருப்பதில் பெருமை கொள்வோம்' என வாழ்த்துகளைப் பரிமாறிக் கொண்டே, மற்ற்றொருபுறம் இந்தியன் 2 படத்தையும் விதவிதமாக மீம்ஸ் போட்டு பங்கம் செய்து வருகின்றனர்.

இதோ அப்படியாக சமூகவலைதளப் பக்கங்களில் நம் கண்ணில் பட்ட இந்தியன் 2 படம் பற்றிய நகைச்சுவையான மீம்ஸ்களில் தொகுப்பு உங்களுக்காக...

English summary

These are some jolly memes collection on Kamal's Indian 2 movie