2024 காலண்டரே இன்னும் ஓசில கிடைக்கல.. இதுல நான் நினைச்சதெல்லாம் நடக்கும்னு நம்ப சொல்றீங்களே!

சென்னை: புத்தாண்டு, பொங்கல், குடியரசு தினம் என தொடர்ந்து தொடர் விடுமுறைகளாகத் தந்து வருவதாக ஜனவரி மாதத்தை மீம்ஸ் போட்டு பாராட்டி வருகின்றனர் நெட்டிசன்கள்.

பள்ளி, கல்லூரிக்குச் செல்பவர்களாகட்டும், வேலைக்குச் செல்பவர்களாகட்டும் விடுமுறை என்றாலே தனி குஷி வந்து விடும். ஒவ்வொரு மாதமும் சனி, ஞாயிறு தவிர வேலை நாட்களில் விடுமுறை தினங்கள் என்னென்ன வருகின்றன என புதிய காலெண்டர் வாங்கியதுமே பார்த்து விடுவார்கள். அதிலும், வார நாட்களில் வரும் விடுமுறை தினங்கள் சனி, ஞாயிறோடு சேர்ந்து வருவது போல், வெள்ளி அல்லது திங்களில் அமைந்து விட்டால், அவர்கள் அடையும் மகிழ்ச்சிக்கு அளவே இருக்காது.

இப்படி விடுமுறைக்காக ஆசைப்படுவர்களை மேலும் மகிழ்ச்சி அடைய வைப்பது போல், இந்த மாதம் தொடர் விடுமுறைகளை அதிகம் அள்ளிக் கொடுத்து விட்டது காலெண்டர். அதனால், பொங்கல் விடுமுறை முடிந்து மீண்டும் பணிக்கு சென்ற களைப்பு தெரியாமல் இருக்க, ஜன்வரி மாதத்தை பாராட்டி மீம்ஸ்களைப் பகிர்ந்து வருகின்றனர் சமூகவலைதளப் பக்கங்களில்.

கூடவே, கடந்தாண்டு விட்டுப் போன சில விசயங்களையும், புதிதாக டச்-அப் செய்து புத்தாண்டு ஸ்பெஷலாகப் பகிர்ந்து வருகின்றனர். புத்தாண்டு பிறந்தே ஒரு மாதம் முடியவுள்ள நிலையில், இன்னமும் அவர்கள் புத்தாண்டு தீர்மானங்களில் இருந்து வெளியே வரவில்லை என்பது அவர்கள் பகிரும் மீம்ஸ்களைப் பார்த்தாலே தெரிகிறது.

இதோ அப்படியாக நம் கண்ணில் பட்ட நகைச்சுவையான சில மீம்ஸ்களின் தொகுப்பு உங்களுக்காக...

English summary

These are some jolly memes collection on January month holidays