இதென்ன பிரமாதம்.. எங்க கணக்கு வாத்தியார் நிமிசத்துக்கு 1008 முட்டை போடுவார்!

கேரளாவில் கோழி ஒன்று அதிக முட்டையிட்டதாக வெளியான தகவலை வைத்து மீம்ஸ்கள் பகிரப்பட்டு வருகின்றன.

சென்னை: கேரளாவில் சின்னு கோழிகூட 6 மணி நேரத்தில் 24 முட்டைதான் போட்டது. நம் மீமர்களோ அதையே கண்டெண்ட் ஆக்கி, சின்னுவைவிட வேகமாக புதிய புதிய மீம்ஸ்களாக உருவாக்கி, சமூகவலைதளங்களில் பகிர்ந்து வருகின்றனர்.

கேரள மாநிலம் ஆலப்புழா அருகே பிஜூகுமார் என்பவரது வீட்டில் வளர்க்கப்பட்டு வரும் சின்னு எனப் பெயரிடப்பட்ட கோழி ஒன்று, 6 மணி நேரத்தில் அடுத்தடுத்து 24 முட்டைகளை இட்டது தான் சமூகவலைதளங்களில் இப்போது டாக் ஆப்தி டவுனே. ஒரு கோழி எப்படி ஒரே நாளில் 24 முட்டைகளைப் போடும் என ஒருதரப்பு ஆச்சர்யத்தில் இருக்க, வழக்கம் போல் இதையே கேள்வியாக்கி, தங்களது சந்தேகத்தை முன்வைத்து வருகிறது மற்றொரு தரப்பு.

எது எப்படியோ சந்தேகமா இருந்தாலும் சரி, ஆச்சர்யமாக இருந்தாலும் சரி.. நமக்கு கோழி ஒரே நாளில் 24 முட்டைகளைப் போட்டதாக வெளியான தகவலே பெரிய கண்டெண்ட் தான் என இதை வைத்து களத்தில் குதித்து விட்டனர் மீமர்கள். எதை எடுப்பது, எதை விடுவது என குழம்பும் அளவிற்கு சின்னு கோழியையும், அதன் முட்டைகளையும் வைத்து மீம்ஸ்களாகப் பகிர்ந்து வருகின்றனர்.

ஊடகங்களில் பகிரப்பட்டு வரும் புகைப்படத்தில் 17 முட்டைதான் இருக்கிறது என 'உம் பாடலில் பிழை இருக்கிறது..' என்ற ரேஞ்சுக்கு கலாய்ப்பது போலவே விசாரணையையும் ஆரம்பித்து விட்டனர் நெட்டிசன்கள்.

இதோ அப்படியாகப் பகிரப்பட்டு வரும் மீம்ஸ்களில் ஜாலியான சில உங்களுக்காக...

English summary

These are some jolly memes collection on Kerala chicken which laid 24 eggs in 6 hours.