மகளிர் தினத்துக்கு மட்டும்தான் வாழ்த்துவீங்களா.. இந்த ஆண்கள் தினத்துக்கு எல்லாம் வாழ்த்தமாட்டீங்களா?

மகளிர் தினம் மாதிரி ஆண்கள் தினத்திற்கு ஏன் வாழ்த்துக்களை பகிர்வதில்லை என்பது மாதிரியான மீம்ஸ்கள் டிரெண்டிங்காகி உள்ளது.

Published: Wednesday, March 9, 2022, 15:51 [IST]

Subscribe to Oneindia Tamil

சென்னை : மகளிர் தினத்தையொட்டி வாழ்த்தியவர்களைப் பார்த்து, 'இதே போல் ஆண்கள் தினத்திற்கும் வாழ்த்துவீர்களா?' என ஆண்கள் கேள்வி கேட்பது மாதியான ஜாலி மீம்ஸ்கள் இணையத்தில் டிரெண்டிங்காகி வருகின்றன.

மார்ச் 8ம் தேதியான நேற்று சர்வதேச மகளிர் தினத்தையொட்டி பெண்களைப் போற்றும் பல ஸ்டேட்டஸ்கள் சமூக வலைதளங்கள் எங்கும் நிரம்பி வழிந்தன. ஆண், பெண் பேதமின்றி எல்லோருடைய ஸ்டேட்டஸ்களிலும் சிங்கப்பெண்ணே பாடல்தான் ஆக்கிரமித்திருந்தது. ஆண்கள் தினத்தன்று ஆண்களை கண்டுகொள்ளாதவர்கள் பலரும்கூட மகளிர் தினத்தன்று பாசம் பொங்க சீர்மிகு வாழ்த்துக்களை தெரிவித்ததைப் பார்த்து ஆவேசமாகி விட்டனர் மீமர்கள்.

அதன் தொடர்ச்சியாக, 'பெண்களை வாழ்த்துவது எல்லாம் சரிதான், ஆனால் ஆண்கள் தினத்தன்று இதேபோல் எங்களை ஏன் வாழ்த்துவதில்லை' என்ற நியாயமான அவர்களது ஆதங்கத்தை மீம்ஸ்களாகப் போட்டுத் தள்ள ஆரம்பித்து விட்டனர்.