ஆண்கள் தினம்ங்கறது கங்குவா படம் ஓடுற தியேட்டர் மாதிரி.. ஒருத்தரும் கண்டுக்க மாட்டாங்க!
சென்னை : சர்வதேச ஆண்கள் தினத்திற்கு பெண் தோழிகள் யாரும் சரியாக வாழ்த்து சொல்லவில்லை என்ற ஆதங்கத்தை மீம்ஸ் போட்டு வெளிப்படுத்தி வருகின்றனர் நெட்டிசன்கள்.
வழக்கமாக மகளிர் தினத்திற்கு இருக்கிற வரவேற்பு, பெரும்பாலும் ஆண்கள் தினத்திற்கு இருப்பதில்லை. மகளிர் தினம் என்றாலே சமூகவலைதளப் பக்கங்கள் எங்கும், 'சிங்கப் பெண்ணே..' பாடலோடு வாழ்த்து மழை கொட்டும். வீட்டில் இருப்பவர்களுக்கு சொல்கிறார்களோ இல்லையோ, தங்களது கான்டாக்ட்டில் இருக்கிற தோழிகள், உறவினர்கள் என எல்லாப் பெண்களுக்கும் மறக்காமல் வாழ்த்துகளைப் பகிர்ந்து கொள்வார்கள்.
ஒவ்வொரு வருடமும் இதே மாதிரி ஆண்கள் தினத்திற்கு பெண்களும் வாழ்த்து மழை பொழிவார்கள் என எதிர்பார்ப்பது நம் ஆண்களின் வழக்கம். ஆனால், சமூகவலைதளங்களில் வாழ்த்துகளை எதிர்பார்த்த பாவப்பட்ட ஆண்களுக்கு, வழக்கம்போலவே ஏமாற்றமே மிஞ்சும். இந்த ஆண்டும் அதற்கு விதிவிலக்கல்ல.
எதிர்பார்த்த அளவிற்கு அல்ல.. பெரும்பாலானவர்களுக்கு ஒரு வாழ்த்துகூட வரவில்லை என்ற தங்களது ஆதங்கத்தை மீம்ஸ் போட்டு, சமூகவலைதளப் பக்கங்களில் வெளிப்படுத்தி வருகின்றனர் நம் நெட்டிசன்கள். இதோ அப்படியாக நம் கண்ணில் பட்ட சில நகைச்சுவையான ஆண்கள் தின மீம்ஸ்களின் தொகுப்பு உங்களுக்காக...
Click it and Unblock the Notifications
Sign in with Google