விக்ரம் + சர்தார் + பாஸ்ட் அண்ட் ப்யூரியஸ்.. இத அப்டியே மிக்சில போட்டு அரைச்சா.. அட இது ‘பதான்’ல!
பதான் படத்தை வைத்து நகைச்சுவையான மீம்ஸ்களைப் பகிர்ந்து வருகின்றனர் நெட்டிசன்கள்.
சென்னை: மக்கள் பரபரப்பாக பேசுகிற விசயத்தை மீம்ஸ் போடாமல் விட்டால் நன்றாக இருக்குமா? அந்தக் குறையை நீக்கத்தான் பதான் படத்தைப் பற்றியும் பட்டையைக் கிளப்பும் மீம்ஸ்களைப் பகிர்ந்து வருகின்றனர் நெட்டிசன்கள்.
பல ஆண்டுகளுக்கு முன்பு வரை ஒரு புதுப்படம் ரிலீசானால் அதைப் பற்றி அச்சு ஊடகத்தில் விமர்சனம் வரும் வரை மக்கள் காத்திருப்பார்கள். கொஞ்சம் கொஞ்சமாக தொழில்நுட்பம் வளர வளர, தொலைக்காட்சி விமர்சனங்கள் படங்களின் வெற்றித் தோல்வியை நிர்ணயித்தன.
இப்போது எல்லோர் கையில் ஆறாம் விரலாய் செல்போன் இருக்க, எல்லோருமே சமூகவலைதளங்களில் விமர்சகர்களாகி விட்டனர். படத்தைப் பார்த்தவர்கள், பார்த்தவர்களிடம் கதை கேட்டவர்கள் என எல்லோருமே தங்களுக்கு தெரிந்த வகையில் படங்களை விமர்சித்து வீடியோக்களை வெளியிடுகின்றனர்.
இது ஒருபுறம் இருக்க, சமீபகாலமாக ஸார்ட் அண்ட் ஸ்வீட்டாக மீம்ஸ்களில் ஒரே ஒரு போட்டோவில் ஒரு படத்தின் விமர்சனத்தை புட்டு புட்டு வைத்து விடுகின்றனர் மீமர்கள். ஷாரூக் நடித்த பதான் படமும் இந்த மீம்ஸ் விமர்சனத்தில் இருந்து தப்பவில்லை.
ஏற்கனவே சர்ச்சைகளில் சிக்கி காரசாரமான விவாதங்களை ஏற்படுத்தி வரும் இந்தப் படத்தைப் பற்றி நகைச்சுவையான மீம்ஸ்களைப் பகிர்ந்து வருகின்றனர் நெட்டிசன்கள். இதோ அப்படியாக சமூகவலைதளங்களில் நம் கண்ணில் பட்ட சில ஜாலியான மீம்ஸ்கள் உங்களுக்காக...