இந்த வெயில்லயும் உன் புள்ள சுடுதண்ணீ வச்சு குளிச்சுட்டு போறான்.. என்ன டிசைனோ தெரியல!

சென்னை: அக்னி நட்சத்திரம் முடிந்தும் இன்னமும் வெயில் முடிந்தபாடில்லையே என மீம்ஸ் போட்டு கோடையின் உக்கிரத்தைப் புலம்பி வருகின்றனர் நெட்டிசன்கள்.

மழை ஒரு மாதிரி டென்சன் என்றால், வெயில் வேறு மாதிரி டென்சன். மழையில்கூட குடையைப் பிடித்துக் கொண்டு, ரெயின்கோட் போட்டுக் கொண்டு வெளியில் சென்று வர முடியும். ஆனால், வெயில் காலத்தில்... போட்டிருக்கும் ஆடைகள் எல்லாம் வேர்வையில் நசநசத்துப் போய், எங்கேயாவது குளுகுளுவென்ற இடத்தில் சிறிதுநேரம் இருக்க மாட்டோமா என ஏங்கும்படி ஆகி விடும். அதிலும் அக்னி நட்சத்திரத்தைப் பற்றிச் சொல்லவே வேண்டாம்.

சரி, ஒரு வழியாக அக்னி நட்சத்திரம் முடிந்து விட்டது.. ஜூன் பிறந்து விட்டது.. இனி வெயிலின் தாக்கம் குறைந்து விடும் என எதிர்பார்த்தால்.. பள்ளி மாணவர்களுக்கு விடுமுறையை நீட்டித்ததுபோல, வெயிலும் தனது வெப்பத்தை நாளுக்கு நாள் நீட்டித்துத்தான் வருகிறது.

வெயிலின் கொடுமையைத் தாங்க முடியாத மக்கள், வழக்கம் போல தங்களது புலம்பல்களை மீம்ஸ் போட்டு சமூகவலைதளங்களில் வெளிப்படுத்தி வருகின்றனர். இதோ அப்படியாக சமூகவலைதளங்களில் நம் கண்ணில் பட்ட நகைச்சுவையான சில மீம்ஸ்களின் தொகுப்பு.உங்களுக்காக...

English summary

These are some jolly memes collection on summer.