குடிக்கிறதுக்கு வச்சதுபோய்.. குளிக்கிறதுக்கு தண்ணிய பிரிட்ஜ்ல வைக்க வேண்டியதா இருக்கு!

சென்னை : தென்மாவட்டங்களில் அவ்வப்போது மழை பெய்து வரும் நிலையில், சென்னை உட்பட பல மாவட்டங்களில் வெயில் சுட்டெரித்து வருவதை வைத்து நகைச்சுவையான மீம்ஸ்களைப் பகிர்ந்து வருகின்றனர் நெட்டிசன்கள்.

நாளை மறுதினம் அக்னி நட்சத்திரம் தொடங்க உள்ளது. ஆனால் கடந்த மாதத்தில் இருந்தே சென்னை, ஈரோடு உட்பட பல மாவட்டங்களில் வெயில் சுட்டெரித்துத்தான் வருகிறது. இப்பவே இப்படி என்றால் அக்னி நட்சத்திரத்தில் என்ன செய்யப் போகிறோமோ என மக்கள் புலம்பி வருகின்றனர்.

இப்படி நாம் வெயிலில் காய்ந்து கொண்டிருக்கையில், மழை ஓரவஞ்சனையாக தென் மாவட்டங்களில் மட்டும் பெய்து வருவது நெட்டிசன்களை கடுப்பாக்கி விட்டது போலும். அதனால்தான், அந்த மழையைப் பற்றி பேசாமல், வெயிலைப் பற்றி மட்டும் சமூகவலைதளங்களில் மீம்ஸ்களால் வறுத்தெடுத்து வருகின்றனர்.

"குடிக்கிறதுக்கு வச்சதுபோய்.. குளிக்கிறதுக்கு தண்ணிய பிரிட்ஜ்ல வைக்க வேண்டியதா இருக்கு!" என்றும், வெயிலின் கொடுமை தாங்காமல், "ஒர்க் பிரம் ஹோமே வேண்டாம்.. நாங்கள் ஆபிசுக்கே வருகிறோம்" என ஏசிக்கு ஆசைப்பட்டு மக்கள் அலுவலகம் செல்வதாகவும் மீம்ஸ் போட்டுக் கலாய்த்து வருகின்றனர்.

இதோ அப்படியாக சமூகவலைதளப் பக்கங்களில் நம் கண்ணில் பட்ட சில நகைச்சுவையான வெயில் ஸ்பெஷல் மீம்ஸ்களின் தொகுப்பு உங்களுக்காக...

English summary

These are some jolly memes collection on summer heat.