ஒருவேளை மே மாசத்தைத்தான் தப்பா காலண்டர்ல மார்ச்னு போட்டுட்டாங்களா.. என்னா வெயிலு!

சென்னை : கோடை மழை பெய்து கொஞ்சம் பூமி குளிர்ந்திருந்த நிலையில், இன்று மீண்டும் வெயில் மிரட்டத் தொடங்கி விட்டதை வைத்து நகைச்சுவையான மீம்ஸ்களைப் பகிர்ந்து வருகின்றனர் நெட்டிசன்கள்.

இப்போதே இப்படி என்றால் ஏப்ரல், மே மாதங்கள் எப்படி இருக்கப் போகிறதோ என போன மாதமே நம் மக்கள் புலம்ப ஆரம்பித்து விட்டனர். ஏனென்றால் அந்தளவுக்கு வெயிலின் தாக்கம் அதிகமாக இருந்தது. பகலில் வெயிலில் கொடுமை அதிகமாகவும், இரவில் அதற்கு நேர்மாறாக குளிரும் வாட்டி எடுத்தது. ஆனால் திடீரென கடந்த சில தினங்களுக்கு முன்பு கோடை மழை பெய்து, இந்த இரண்டையும் மறக்கச் செய்து விட்டது.

பிறகென்ன, "மார்ச் மாசப் பிரச்சினை என்னவோ கோடைக்கும் குளிருக்கும் தான்.. இந்த மழை எதுக்கு குறுக்க மறுக்க வர்றான்?" என இந்த கான்செப்ட்டை வைத்தே நகைச்சுவையான மீம்ஸ்களைப் பகிர ஆரம்பித்து விட்டனர் நம் நெட்டிசன்கள். சைடுகேப்பில், "ஒருவேளை மே மாசத்தைத்தான் தப்பா காலெண்டர்ல மார்ச்னு போட்டுட்டாங்களா.. என்னா வெயிலு!", என மீண்டும் வெயில் கொளுத்தத் தொடங்கி விட்டதையும் மறக்காமல் மீம்ஸ்களாக்கி இருக்கின்றனர்.

இதோ அப்படியாக சமூகவலைதளப் பக்கங்களில் நம் கண்ணில் பட்ட சில நகைச்சுவையான மீம்ஸ்களின் தொகுப்பு உங்களுக்காக...

English summary

These are some jolly memes collection on summer heat