புதுக்கோட்டை அப்பத்தா எப்படா ப்ரைடு ரைஸ் கிண்டுச்சு.. உங்க அலம்பலுக்கு அளவே இல்லையாடா?

ஞாயிறு ஸ்பெஷலாக இந்த வாரம் அசைவ உணவு மீம்ஸ்களுக்குப் பதிலாக, உப்புமா, புளிசாதம் என சைவ உணவு மீம்ஸ்களாகப் பகிர்ந்து வருகின்றனர் சமூகவலைதளப் பக்கங்களில்.

சென்னை : ஒருவழியாக புரட்டாசி மாதம் முடிந்து விட்டது, விதவிதமான அசைவ உணவுகளை வீட்டில் சமைப்பதுபோல் சமூகவலைதளப் பக்கங்களிலும் மீம்ஸ்களாக பகிர்வார்கள் என எதிர்பார்த்தால் ஏமாற்றி விட்டார்கள் நம் நெட்டிசன்கள். புளிசாதம், உப்புமா என சைவ மீம்ஸ்களாகப் பகிர்ந்து, இன்னும் நாங்கள் புரட்டாசியில் இருந்து வெளியில் வரவில்லை என கலகலக்க வைத்துள்ளனர் நெட்டிசன்கள்.

தமிழ் மாதங்களிலேயே நம் அசைவ உணவுப் பிரியர்களுக்குப் பிடிக்காத மாதமென்றால் அது புரட்டாசிதான். அதிலும் மற்ற நாட்களைவிட, அம்மாதத்தில் ஞாயிற்றுக்கிழமையைக் கடப்பதுதான் அவர்களுக்கு கடினமான செயல். அதனால், புரட்டாசி மாதம் வீட்டில் அசைவம் சமைக்க முடியாத கவலையை, மீம்ஸ்களாக இணையத்தில் புலம்பி தீர்த்து விடுவார்கள்.

ஒருவழியாக, பல்லைக் கடித்துக் கொண்டு, எப்படியோ புரட்டாசி மாதத்தைக் கடந்து விட்டனர். புரட்டாசி மாதம் முடிந்து வரும் முதல் ஞாயிறு என்பதால், இந்த ஞாயிறு ஒரு மாதம் சாப்பிடாததற்கும் சேர்த்து வைத்து, விதவிதமாக அசைவ உணவுகளை சமைத்து அசத்தி விட்டனர் போலும் மக்கள். அதனாலேயே வாட்சப் ஸ்டேட்டஸ்களில் அவர்களது வீட்டு மெனுதான் பெரும்பாலும் இடம் பெற்றிருந்தது.

சரி, அதேபோல் மீம்ஸ்களிலும் அசைவ மணம் தூக்கலாக இருக்கும் என எதிர்பார்த்தால், எதிர்பாராததை எதிர்பாருங்கள்’ என பிக் பாஸ் ரேஞ்சுக்கு மீம்ஸ்களில் வழக்கம் போல் சைவ நெடிதான் தூக்கலாக உள்ளது. அதிலும் பலர் இன்னமும் புரட்டாசி மாதத்தில் இருந்து வெளியில் மீண்டு வரவில்லை என்பது அவர்கள் பகிரும் மீம்ஸ்களைப் பார்த்தாலே புரிகிறது.

இதோ அப்படியாக சமூகவலைதளப் பக்கங்களில் நம் கண்ணில் பட்ட ஞாயிறு ஸ்பெஷல் மீம்ஸ்களின் தொகுப்பு உங்களுக்காக...

English summary

These are some jolly memes collections on Sunday meals.