அந்தக் குழந்தையும் நானும் ஒண்ணா.. கம்பேர் பண்றதா இருந்தாலும் ஒரு லாஜிக் வேணாமா?

Published: Sunday, June 25, 2023, 15:21 [IST]

Subscribe to Oneindia Tamil

சென்னை: ஞாயிறு ஸ்பெஷலாக இந்த வாரம் சாப்பாட்டை விட, தூக்கத்தைப் பற்றிய மீம்ஸ்கள்தான் அதிகம் பகிரப்பட்டு வருகின்றன.

வாரத்தில் எல்லா நாளும் சாப்பிட்டாலும், ஞாயிறு சாப்பாடு.. தப்பு தப்பு ஞாயிறு விருந்து என்பது எல்லோருக்கும் ஸ்பெஷல்தான். மற்ற நாட்களில் வேலை அவசரத்தில் அவசர அவசரமாக சாப்பிடுவர்கள் எல்லோருக்குமே, ஞாயிறு மதியச் சாப்பாடு விருந்துதான். அன்றைய தினம் சைவம் சாப்பிடுகிறோமோ அல்லது அசைவம் சாப்பிடுகிறோமா என்பது முக்கியமில்லை. ஆனால் ஆற அமர சாப்பிடுவதுதான் ஞாயிறின் ஸ்பெஷலே.

இப்படி சாப்பாட்டிற்குத் தரும் முக்கியத்துவத்தைப் போலவே, ஞாயிறு அன்று நாம் அனைவரும் முக்கியத்துவம் தரும் மற்றொரு விசயம் தூக்கம். மற்ற நாட்களில் காலையில் கிளம்ப வேண்டும் என்ற பரபரப்பில் அலாரம் வைத்து எழுந்திருப்பவர்கள் எல்லோருடைய கனவுமே, ஞாயிறு அலாரத்தை ஆஃப் செய்து விட்டு நிம்மதியாகத் தூங்கி எழ வேண்டும் என்பதுதான். ஆனால் எல்லோருக்குமே இந்த கனவு மெய்ப்பட்டு விடுவதில்லை.

என்றைக்கு நாம் ஹாயாக தூங்கி எழுந்திருக்க நினைக்கிறோமோ அன்றுதான், சீக்கிரமே விழிப்பு வரும். இந்தப் பிரச்சினை எல்லோருக்கும் இருக்கிறது போல.. அதனால்தான் இதை வைத்து மீம்ஸ் போட்டு புலம்பி வருகின்றனர் நெட்டிசன்கள்.