தக்காளி சாதம் சாப்பிடுற அளவுக்கெல்லாம் பணக்காரங்க இல்லங்க.. சிக்கன் பிரியாணி மட்டும் கொடுங்க போதும்!

சென்னை: இந்தத் தக்காளிதான் விலை குறையாமல் நம்மை பாடாய்படுத்துகிறது என்றால், அதை மறக்க விடாமல் மீமர்களும் திரும்பத் திரும்ப தக்காளி பற்றிய மீம்ஸ்களாகவே பகிர்ந்து, தக்காளிச் சட்னியையும், தக்காளிச் சோறையும் ஞாபகப்படுத்தி, நம் வெந்த புண்ணில் வேலை பாய்ச்சி வருகின்றனர்.

தக்காளிக்கு சரியான விலை கிடைக்கவில்லை என விவசாயிகள் அதனை சாலையில் கொட்டிய காலம் போய், தக்காளி வாங்குவதற்கே சம்பளத்தில் தனி பட்ஜெட் போடும் அளவிற்கு தாறுமாறாய் விலை உயர்ந்து கிடக்கிறது தக்காளி விலை. தக்காளி நம் சாப்பாட்டில் தவிர்க்க முடியாத முக்கியமான பொருள் என்பதால், தக்காளியை அதிக விலை கொடுத்து வாங்கவும் முடியாமல், சமையலில் தக்காளியைத் தவிர்க்கவும் முடியாமல் இருதலைக் கொள்ளி எறும்புகளாய் தவித்து வருகின்றனர் நடுத்தர வர்க்கத்தினர்.

இப்படி தக்காளி நம்மை ஒரு பக்கம் வைத்து செய்து வரும் நிலையில், அதற்கு பழி வாங்கும் விதமாக மீமர்களும், தக்காளியை வைத்து விதவிதமான மீம்ஸ்களாகப் பகிர்ந்து வருகின்றனர். விற்கிற விலைக்கு கொஞ்ச நாளைக்கு தக்காளி பக்கமே தலைவைத்துப் படுக்காமல் இருக்கலாம் என்றால், இந்த மீம்ஸ்கள் நம்மை விடுவதாய் இல்லை. எந்தப் பக்கம் திரும்பினாலும் தக்காளி மீம்ஸ்தான்.

இதோ அப்படியாக சமூகவலைதளப் பக்கங்களில் நம் கண்ணில் பட்ட நகைச்சுவையான தக்காளி பற்றிய சில மீம்ஸ்களின் தொகுப்பு உங்களுக்காக...

English summary

These are some jolly memes collection on tomato price hike.