யூடியூப் பார்த்து செஞ்சது.. அதுல பிடிச்சிருந்தா ஷேர் பண்ணுங்கனு சொன்னாங்க.. அதான் கொடுத்தேன்!

சென்னை: விநாயகர் சதுர்த்திக்கு செய்த கொழுக்கட்டைகள் பல வீடுகளில் இன்றும் மிச்சமிருப்பதுபோல், கொழுக்கட்டை ஸ்பெஷல் மீம்ஸ்களையும் மிச்சம் வைத்து இன்று பகிர்ந்து வருகின்றனர் நெட்டிசன்கள்.

விநாயகர் சதுர்த்தியை முன்னிட்டு நேற்று வீடுகளில் விதவிதமாக கொழுக்கட்டைகள் செய்திருந்தனர் மக்கள். தீபாவளி முடிந்தால், அடுத்த சில வாரங்களுக்கு முறுக்கு, அதிரசம் தான் நொறுக்குத் தீனியாக கிடைக்கும் என்பது போல், கொழுக்கட்டைக்கு செய்த பூரணத்தை பிரிட்ஜில் எடுத்து வைத்து, இன்று அதனைக் கொழுக்கட்டையாக செய்துள்ளனர் பல வீடுகளில். ஒரு சில வீடுகளிலோ நேற்று செய்த கொழுக்கட்டையையே பிரிட்ஜில் எடுத்து வைத்து, இன்று அதனை சூடு படுத்தி சாப்பிடக் கொடுப்பார்கள்.

எப்படி நேற்று மீதமான கொழுக்கட்டைகளை இன்று சாப்பிடக் கொடுக்கிறார்களோ, நெட்டிசன்களும் அவர்களைப் போலவே நேற்று பகிர மறந்த சில கொழுக்கட்டை மீம்ஸ்களை இன்று பகிர்ந்து வருகின்றனர். கூடவே, 'விநாயகர் சதுர்த்தி முடிந்துவிட்டது.. அடுத்து ஆயுத பூஜைக்கு ரெடி ஆகுங்க..' என்ற மீம்ஸையும் அவர்கள் மறக்கவில்லை.

இதோ அப்படியாக சமூகவலைதளப் பக்கங்களில் நம் கண்ணில் பட்ட சுவையான சில கொழுக்கட்டை மீம்ஸ்களின் தொகுப்பு உங்களுக்காக...

English summary

These are some jolly memes Collection on vinayagar chathurthi celebrations and kolukattai.