ஆப் பண்ணி, ஆன் பண்ணி, ரீஸ்டார்ட் பண்ணி,ஏரோப்ளேன் மோடுக்கு மாத்தி.. கொஞ்சநேரத்துல தலையே சுத்திடுச்சு!

வாட்ஸ் அப் சேவை முடங்கியதை வைத்து விதவிதமான நகைச்சுவை மீம்ஸ்கள் இணையத்தில் உலா வருகின்றன.

சென்னை: வாட்ஸ் அப் சேவை முடக்கம் சரியாகி விட்டபோதும், இன்னமும் அதைக் கலாய்த்து மீம்ஸ் போடுவதை நிறுத்தவில்லை மீமர்கள்.

உலகின் பல்வேறு நாடுகளில் நேற்று சில மணி நேரம் வாட்ஸ்-அப் சேவை திடீரென முடங்கியது. வாட்ஸ் அப்பே உலகம் எனக் கிடக்கும் பயனாளர்கள் இந்த திடீர் முடக்கத்தால், கொஞ்சம் நிலைதடுமாறிப் போனார்கள் என்றுதான் கூற வேண்டும். முதலில் அவர்கள் வாட்ஸ் அப் பிரச்சினையாய் இருக்கும் என நினைக்கவில்லை. தங்கள் போனில், நெட்வொர்க்கில்தான் ஏதோ பிரச்சினை என தவறாக புரிந்து கொண்டனர்.

போனை பிளைட் மோடில் போடுவது, ரீஸ்டார்ட் செய்வது என தங்களால் என்னவெல்லாம் செய்ய முடியுமோ அதையெல்லாம் செய்து பார்த்தனர். ஒரு கட்டத்தில் வாட்ஸ் அப்பையே அன் இன்ஸ்டால் செய்து, மீண்டும் இன்ஸ்டால் செய்துகூட பார்த்தார்கள். ஆனால் அவை எதையும் தீர்வைக் கொடுக்காத நிலையில், உடனடியாக டிவிட்டர், பேஸ்புக் என மற்ற சமூகவலைதளப் பக்கங்களுக்கு சென்று, 'நம்ம வீட்ல மட்டும்தான் கரண்ட் இல்லையா... இல்ல ஊருக்கே போயிருக்கா?' என செக் செய்து கொண்டனர்.

ஒரு சில மணி நேரங்களில் மீண்டும் வாட்ஸ் அப் இயல்புநிலைக்கு திரும்பிவிட, அந்த இடைப்பட்ட காலத்தில் வாட்ஸ் அப் முடக்கத்தை கலாய்ப்பதற்கு மீம்ஸ்களைத் தயார் செய்யும் வேலையை பார்க்க ஆரம்பித்துவிட்டார்கள் மீமர்கள். இதனால் நேற்றிலிருந்து சமூகவலைதளப் பக்கங்களில் வாட்ஸ் அப் முடங்கியது பற்றிய மீம்ஸ்கள்தான் டிரெண்டிங்காகி இருக்கிறது.

வாட்ஸ் அப் முடங்கியது பழைய செய்தியாகி விட்டபோதும், மீமர்கள் விடுவதாய் இல்லை. இன்றும் சமூகவலைதளங்களில் வாட்ஸ் அப் முடங்கியது பற்றிய நகைச்சுவையான மீம்ஸ்கள்தான் அதிகம் பகிரப்பட்டு வருகின்றன.

இதோ, அவற்றில் சில நகைச்சுவையான மீம்ஸ்கள் உங்களுக்காக...

English summary

These are some jolly memes collection on whatsapp down issue.