வாழ்க்கை அழகானதுனு ஸ்டேடஸ் போட்ருந்தான்.. என்னனு கேட்டா.. ஒய்ப் ஊருக்கு போய்ருக்காம்!
சென்னை: மனைவியின் அருமை பெருமைகளை எல்லாம் (அதாங்க புறணி) நாசூக்காக மீம்ஸ் போட்டு புலம்பி வருகின்றனர் நம் புத்திசாலி நெட்டிசன்கள்.
முன்பெல்லாம் மனைவியைப் பற்றிக் குறை கூற வேண்டுமென்றால், மிகவும் நம்பகமான நண்பர்களிடம்தான் பேச முடியும். இல்லையென்றால் அது காத்து வாக்கில் மனைவி காதிற்கு சென்றுவிடும் அபாயம் அதிகம். ஆனால், மீம்ஸ்கள் வந்து விட்டபிறகு அந்தப் பயமே இருப்பதில்லை கணவர்களுக்கு.
சமூகவலைதளங்களில் பகிரப்படும் மீம்ஸ்களை எடுத்து, அழகாக தங்களது ஸ்டேட்டஸில் வைத்து, தங்களது மனக்குமுறல்களை எல்லாம் சுலபமாக மற்றவர்களுக்கு வெளிப்படுத்தி விடுகின்றனர். ஒருவேளை அந்த ஸ்டேட்டஸை மனைவி பார்த்தால்கூட, சமூகவலைதளத்தில் பார்த்தேன், சிரிப்பாக இருந்தது.. அதனால் வைத்தேன்' என அடியில் இருந்து தப்பித்துக் கொள்ள வசதியாக இருக்கும்.
இப்போதும் அப்படித்தான் ஞாயிற்றுக்கிழமையான இன்று மனைவி கையில் வகைதொகையாக சாப்பிட்டு விட்டு, அவர்களைப் பற்றியே புறணி பேசுவதுபோல், நகைச்சுவையான மீம்ஸ்களைப் பகிர்ந்து வருகின்றனர் இந்த குறும்புக்கார கணவர்கள்.
இதோ அப்படியாக சமூகவலைதளப் பக்கங்களில் நம் கண்ணில் பட்ட சில நகைச்சுவையான மீம்ஸ்களின் தொகுப்பு உங்களுக்காக...
Click it and Unblock the Notifications
Sign in with Google