448 நாட்களுக்கு பின் ஜெயிச்சிட்டாங்க.. ரோஹித் சர்மாவை பொளக்கும் ரசிகர்கள்.. தெறி மீம்ஸ் இதோ!
நாக்பூர்: இங்கிலாந்து அணிக்கு எதிரான முதல் ஒருநாள் போட்டியில் இந்திய அணி 4 விக்கெட்டுகள் வித்தியாசத்தில் அபார வெற்றியை பெற்றுள்ளது. இந்த போட்டியின் போது நிகழ்ந்த சம்பவங்கள் மற்றும் சாதனைகளை வைத்து சோசியல் மீடியாவில் ரசிகர்கள் உருவாக்கிய தரமான மீம்ஸை பார்க்கலாம்.
வேலாயுதம் படத்தில் கடைசி வரை திருட கூட முடியாமல் தவித்து வரும் சந்தானம், ஒரு வழியாக விஜய் வீட்டில் இருந்து பணப்பையை எடுத்து திருடிவிட்டு வெளியில் வருவார். அப்போது சூரி, "ஒரு வழியா நம்ம ஸ்பீடு திருடிட்டாருப்பா" என்று சக கிராம மக்களுடன் உற்சாகமாக வரவேற்பார். இதில் சூரியை இந்திய ரசிகராகவும், சந்தானத்தை இந்திய அணியாகவும் மாற்றி, "ஒரு வழியா நம்ம ஆளுங்க ஒருநாள் போட்டியை 448 நாட்களுக்கு பின் ஜெயிச்சுட்டாங்கப்பா" என்று கொண்டாடுவதாக உருவாக்கப்பட்டுள்ள மீம் அட்ரா சக்க ரகம்.
கலகலப்பு படத்தில் சந்தானம் தனது தாத்தாவை பலமாக அடித்த போது, அவர் மயங்கிவிடுவார். அப்போது தளபதி தினேஷ் சந்தானத்திடம், "தலைவரே.. ஃபர்ஸ்டு மர்டரு.." என்பார். அதில் சந்தானத்தை ரோஹித் சர்மாவாகவும் , தளபதி தினேஷை இந்திய அணி ரசிகர்களாகவும் மாற்றி, "தலைவரே.. கடைசி 7 மேட்ச்ல ஃபர்ஸ்டு வெற்றி" என்று சொல்வதாக உருவாக்கப்பட்டுள்ள மீம் குபீர் ரகம்.
மனுநீதி படத்தில் முரளியும், வடிவேலுவும் மெயின் ரோட்டினை தேடி அலையும் போது ஒரு கட்டத்தில் வடிவேலு துரத்துவோர் கைகளில் மாட்டிக் கொள்வார். அப்போது பெரிய கட்டையை எடுத்து துரத்தி வந்தவர்களை மிரட்ட, "டேய்.. யாரும் பக்கத்துல போகாதீங்க.. இவன் பெரிய ஆட்டக்காரனா இருப்பான் போல" என்று பில்டப் கொடுப்பார். அதனை அப்படியே ஸ்ரேயாஸ் ஐயருக்கு மாற்றி, "டேய் யாரும் இவன் பக்கம் போகாதீங்க.. மொரட்டு ஃபார்மில் இருக்கான் போல" என்று உருவாக்கப்பட்டுள்ள மீம் தக் லைஃப் ரகம்.
பரிதாபங்கள் யூட்யூப் வீடியோ ஒன்றில், "அது எப்படிடா ஒருத்தனை பார்த்தாலே அடிக்கணும் போல தோன்றும்" என்று கேட்கும் கோபி, உடனடியாக அந்தப் பக்கம் திரும்பி சடாரென ஒரு அப்பு அப்புவார். அதனை அப்படியே கவுதம் கம்பீருக்கு மாற்றி, இந்திய அணி ரசிகர்கள் ஸ்ரேயாஸ் ஐயரை நீக்க முடிவு எடுத்ததற்காக அடிப்பதாக உருவாக்கப்பட்டுள்ள மீம் ஜாலியோ ஜிம்கானா ரகம்.
வடிவேலுவின் ஆட்டோவை வைத்து ஆக்ஷன் காட்சி எடுக்கும் போது, சிங்கமுத்து "ஒன் மோர்" என்று மீண்டும் மீண்டும் அடித்து சேதப்படுத்துவார். இதனை பார்க்கும் வடிவேலு, "அவரை நிறுத்த சொல்லுங்கடா" என்று பதறுவார். இதில் வடிவேலுவாக இந்திய ரசிகர்களை மாற்றி, அந்த மனுஷனை ஃபார்முக்கு வர சொல்லுங்கடா.. ஒருநாள் கிரிக்கெட்லயும் சிங்கிள் டிஜிட்டில் அவுட்டாகுறான் என்று சொல்வதாக உருவாக்கப்பட்டுள்ள மீம் ஹிட்மேனுக்கு வந்த சோதனை ரகம்.
Click it and Unblock the Notifications
Sign in with Google