படத்துல பறவைகள், விலங்குகளை துன்புறத்தலனு சொல்லிட்டு.. 2.30மணி நேரம் என்னைய துன்புறுத்திட்டீங்களேடா!
சென்னை: இந்தியன் 2 படத்தோடு சமீபத்தில் ரிலீசான தங்கலான் மற்றும் டிமாண்டி காலனி 2 படத்தையும் சேர்த்து விதவிதமான நகைச்சுவை மீம்ஸ்களை சமூகவலைதளப் பக்கங்களில் பகிர்ந்து வருகின்றனர் நம் சினிமா ரசிகர்கள்.
முன்பெல்லாம் புதிய படங்கள் ரிலீசாகிறது என்றாலே, பத்திரிகை மற்றும் தொலைக்காட்சிகளில் வரும் விமர்சனங்களைத்தான் மக்கள் எதிர்பார்த்துக் காத்திருப்பார்கள். அவற்றில் பார்த்தபிறகுதான் அந்தப் படத்திற்குப் போவதா அல்லது வேண்டாமா என்பதையெல்லாம் தீர்மானிப்பார்கள். ஆனால் நிலைமை தற்போது அப்படியில்லை.
படத்தைப் பார்த்துக் கொண்டிருக்கும்போதே, தியேட்டரில் இருந்தபடியே காட்சிக்கு காட்சி விமர்சனங்களை அள்ளி வீசி விடுகின்றனர் சமூகவலைதளப் பக்கங்களில். முன்னணி நடிகர்களின் படமாக இருந்தாலும் சரி, சிறிய பட்ஜெட் படமாக இருந்தாலும் சரி.. இந்த விமர்சனங்களுக்குத் தப்புவதேயில்லை.
அந்தவகையில், சமீபத்தில் ரிலீசான இந்தியன் 2, ராயன், தங்கலான், டிமாண்டி காலனி 2 என எல்லாப் படங்களையுமே சலிக்க, சலிக்க மீம்ஸ்களாகக் கலாய்ச்சிப்பை செய்து வருகின்றனர் நம் குறும்புக்கார நெட்டிசன்கள். படங்களில் இருக்கும் குறைகளை மீம்ஸ்களாக நாசூக்காக சுட்டிக் காட்டும் அதேவேளையில், நல்ல படங்களைத் தட்டிக் கொடுக்கவும் அவர்கள் தவறுவதில்லை.
இதோ அப்படியாக சமூகவலைதளப் பக்கங்களில் நம் கண்ணில் பட்ட நகைச்சுவையான சில மீம்ஸ்களின் தொகுப்பு உங்களுக்காக...
Click it and Unblock the Notifications
Sign in with Google