எல்லோரும் அஜித்தைப் பார்த்த வைப்ல.. நல்லவேளை நாம தோத்ததையே மறந்துட்டாங்க!

சென்னை : சிஎஸ்கே இனி வரும் ஆட்டங்களில் வென்றாலும், கோப்பையை வெல்வது கடினம் என ஒரு பேச்சு இணையத்தில் உலா வரும் நிலையில், அந்த கோபத்த்தையும் சேர்த்து தங்களது மீம்ஸ்களில் வெளிப்படுத்தி வருகின்றனர் சிஎஸ்கே ரசிகர்கள்.

இதுவரை ஐந்து முறை ஐபிஎல் கோப்பையை வென்ற அணி என்ற பெருமையைப் பெற்றிருந்த சென்னை சூப்பர் கிங்ஸ் அணி, இந்தமுறை படுமோசமான ஆட்டத்தை வெளிப்படுத்தி வருவது அதன் ரசிகர்களை சோகத்தில் மட்டுமல்ல.. கோபத்திற்கும் ஆளாக்கியுள்ளது. அதிலும் குறிப்பாக, இந்தாண்டு இதுவரை ஒன்பது ஆட்டங்களில் விளையாடி, அதில் ஏழு தோல்விகளைச் சந்தித்துள்ளது சிஎஸ்கே. இனி வரும் போட்டிகள் அனைத்திலும் வெற்றி பெற்றாலும் அந்த அணி பிளே ஆஃப் சுற்றுக்கு முன்னேறாது எனக் கூறப்படுகிறது. அதனால்தான், இந்த முறை ஐபிஎல் ஆரம்பித்ததில் இருந்தே சிஎஸ்கேவை மீம்ஸ் போட்டு வறுத்தெடுத்து வருகின்றனர்.

கடந்த வெள்ளியன்று நடந்த போட்டியை நடிகர் அஜித் குடும்பத்துடன் நேரில் பார்க்க வந்திருந்தார். இதனால் அன்றைய தினம் சமூகவலைதளப் பக்கங்களில் அவரைப் பற்றிய வீடியோக்களும், புகைப்படங்களும் அதிகம் பகிரப்பட்டன. இந்த சந்தோசத்தில் இருந்த ரசிகர்கள், சிஎஸ்கே தோல்வியை கொஞ்சம் கண்டுகொள்ளாமல் விட்டு விட்டார்கள் போல. அதனால்தான் இரண்டு தினங்களுக்குப் பிறகு இன்று சிஎஸ்கேவை மீம்ஸ்களில் வறுத்தெடுத்து வருகின்றனர்.

"எல்லோரும் அஜித்தைப் பார்த்த வைப்ல.. நல்லவேளை நாம தோத்ததை மறந்துட்டாங்க" என்றும், "இந்தாம்மா காவியா.. என்ன இருந்தாலும் நீ நம்மூரு புள்ள.. இந்தா ரெண்டு பாயிண்டு.. சந்தோசமா இரு.." என சிஎஸ்கேவை விட்டுக் கொடுப்பதாகவும் மீம்ஸ் போட்டு கலாய்த்துள்ளனர்.

இதோ அப்படியாக சமூகவலைதளப் பக்கங்களில் நம் கண்ணில் பட்ட சில மீம்ஸ்களின் தொகுப்பு உங்களுக்காக...

English summary

These are some jolly memes Collection on IPL 2025.