14 வயசு பையன்மா.. நாங்க 11 பேரு சேர்ந்து எடுத்ததை அவன் 35 பால்ல எடுத்துட்டான்!

சென்னை : ஐபிஎல்லில் சரியாக விளையாட அணிகள் மற்றும் வீரர்களை எந்தளவிற்கு மீம்ஸ் போட்டுக் கலாய்க்கிறார்களோ, அதே அளவிற்கு சிறப்பாக ஆடும் வீரர்களை பாராட்டவும் தயங்குவதில்லை நம் மீமர்கள். இப்போதும் அப்படித்தான், ராஜஸ்தான் அணியின் 14 வயது வீரர் வைபவ், 35 பந்துகளில் சதம் அடித்திருப்பதை வைத்து, மற்ற அணி வீரர்களை, குறிப்பாக சிஎஸ்கே வீரர்களை மீம்ஸ் போட்டுக் கலாய்த்து வருகின்றனர்.

நேற்று முன்தினம் ராஜஸ்தான் ராயல்ஸ் மற்றும் குஜராத் டைட்டன்ஸ் அணிகளுக்கிடையேயான போட்டியில், ராஜஸ்தான் அணி வீரரான 14 வயதே ஆன வைபவ் சூர்யவன்ஷி 35 பந்துகளில் சதம் அடித்து அசர வைத்தார். இந்த சிறிய வயதில் இப்படி விளையாடுகிறாரே என அவரது ஆட்டத்தை ஒருபுறம் மக்கள் வியந்து பாராட்டிக் கொண்டிருக்க, மற்றொருபுறம் மீமர்களும் தங்கள் பங்கிற்கு மீம்ஸ்களைப் பகிர்ந்து வருகின்றனர்.

அதிலும் குறிப்பாக இந்தமுறை சரியாக விளையாட சிஎஸ்கே வீரர்களை, வைபவை வைத்து மீம்ஸ்களில் மறைமுகமாக கலாய்த்து வருகின்றனர். "ஒரு 14 வயசு பையன்மா.. அசால்ட்டா 35 பால்ல 100 ரன் எடுத்துட்டான்.. நாங்க 11 பேரு சேர்ந்து எடுத்ததை அவன் ஒருத்தன் எடுத்துட்டான்மா" என்றும், "நானெல்லாம் 14 வயசுல ஒரு பொன்வண்டு 5ரூபாய்னு வித்திட்டு இருந்தேன்ங்க" என்றும் விதவிதமாக மீம்ஸ்களில் கலாய்த்துள்ளனர்.

இதோ அப்படியாக நம் கண்ணில் பட்ட சில நகைச்சுவையான ஐபிஎல் மீம்ஸ்களின் தொகுப்பு உங்களுக்காக...

English summary

These are some jolly memes Collection on IPL 2025.