"தேங்காய் சட்னி".. தங்கத்தை நசுக்கிடாம எடுத்துட்டு வாடா.. கண்ணுல தண்ணி வருது ஆத்தா.. "ஜாலி தக்காளி"

சென்னை: கோயம்பேடு மார்க்கெட்டிற்கு தக்காளி வரத்து சமீப காலமாகவே வெகுவாக குறைந்துவிட்டது. இதனால் தக்காளியின் விலை ஒரு கிலோ ரூ.100 ஆக உயர்ந்துள்ளது.

அதிலும், சென்னை கோயம்பேடு மார்க்கெட்டிற்கு தக்காளியினுடைய வரத்து கடந்த ஆண்டை விட குறைவாகவே உள்ளது. இதற்கு காரணம் கடந்த ஆண்டு ஆந்திரா, கர்நாடகா பகுதி விவசாயிகளுக்கு சரியான விலை கிடைக்காததால், அவர்கள் மாற்று பயிரை நடவு செய்ய தொடங்கி விட்டதாகவும், அதனாலேயே தக்காளி விலை உயர்ந்துள்ளதாகவும் சொல்கிறார்கள்.

என்ன காரணம்: பருவமழையும் மற்றொரு காரணமாக சொல்லப்பட்டு வரும் நிலையில், காய்கறி கடை மார்க்கெட்களிலும் தக்காளி வரத்து குறைந்தே காணப்படுகிறது.

நடவடிக்கை: இதற்கான மாற்று நடவடிக்கைகளை தமிழக அரசு கையில் எடுத்து வருகிறது. அதன்படி, தமிழகத்தின் ரேஷன் கடைகளிலும் தக்காளி விற்பனைக்கு வந்துள்ளது.. முதல்கட்டமாக சென்னையில் இந்த திட்டம் துவங்கப்பட்டுள்ளது.

எனினும், தக்காளி இல்லாமல் என்ன குழம்பு வைப்பது என்று? இல்லத்தரசிகள் கலங்கி போயுள்ளனர்.. தக்காளி இல்லாமல் என்ன குழம்பு வைப்பது, தக்காளி இல்லாமல் என்ன சமையல் செய்வது என்று கூகுளில் தேடுகிறார்களாம்.. ஹோட்டல்களிலும், தக்காளி சட்னி இல்லை என்று போர்டு எழுதி வைத்துவிடுகிறார்கள். இந்நிலையில்தான், நெட்டிசன்கள் தக்காளி விலை உயர்வை வைத்து, மீம்ஸ்களை இணையத்தில் மிதக்க விட்டுள்ளனர்.

தக்காளி இல்லாமல் சமைக்க முடியுமா? கூகுளில் தேடு மக்கள்.. என்ற போட்டோவை பதிவிட்டு, "எங்களுக்கு வேற வழி தெரியல ஆத்தா" என்று கலங்குகிறார் ஒரு நெட்டிசன்..

வடிவேலு: பெட்ரோல் டீசல் விலை உயர்வை, தக்காளி விலை உயர்வுடன் தொடர்புபடுத்தி மீம்ஸ்கள் வருகின்றன.. அதுமட்டுமல்ல, தேங்காய் சட்னியை பார்த்து, தக்காளி சட்னி ஏளனமாக கிண்டல் செய்வது போலவும் இன்னொரு மீம்ஸ் வட்டமடிக்கிறது.

இதுபோக, வழக்கம்போல் வடிவேலு மீம்ஸ்கள் தக்காளிக்குள்ளும் வந்துவிட்டன.. தற்போது தங்கம் விலை குறைந்துள்ளதால், அந்த செய்திகளை பதிவிட்டு, "அவனவன் தக்காளி வாங்கவே கஷ்டப்படுறான் போவியா" என்று வடிவேலு மீம்ஸை ஒருவர் பதிவிட்டுள்ளார். இணையத்தில் வைரலாகும் ஒருசில மீம்ஸ்கள்தான் இவையெல்லாம்

English summary

Jolly Memes collection about Tomatoes and netizens compared with Gold price rate