தக் லைஃப்.. இந்நேரம் சூப்பரா வீடியோ ரெடியாகிட்டு இருக்கும்.. பொளக்க போறானுங்க!

சென்னை : தக் லைஃப் படம் தியேட்டர்களில் நன்றாக ஓடுகிறதோ இல்லையோ, சமூகவலைதளப் பக்கங்களில் நிறைய கண்டண்ட் கொடுத்து ட்ரோல் பண்ண மீமர்களுக்கு உதவியாக இருக்கிறது.

மிகவும் எதிர்பார்த்த படம், எதிர்பார்த்த அளவுக்கு இருக்கவில்லை என்றால் பொங்கி எழுந்து விடுவார்கள் நம் மக்கள். அதிலும் கமல், மணிரத்னம், ஏ.ஆர்.ரஹ்மான், சிம்பு, திரிஷா என பெரிய நட்சத்திரப் பட்டாளமே நடித்துள்ள தக் லைஃப் படத்தைப் பற்றிக் கேட்கவே வேண்டாம். பட அறிவிப்பு வெளியான நாளில் இருந்தே மக்களிடம் இப்படத்தைப் பற்றிய எதிர்பார்ப்பு எகிறிக் கிடந்தது. அதிலும் நாயகன் போன்ற கதைக்களம் என்பது டிரெய்லர் மூலம் தெரிய வர, மக்கள் வெகு ஆர்வமாக தக் லைஃபை எதிர்பார்த்துக் காத்துக் கிடந்தார்கள்.

இதில் போதாக்குறைக்கு கமலின் பேச்சு வேறு சர்ச்சையில் சிக்க, அதனால் கர்நாடகாவில் தக் லைஃப் படம் எதிர்பார்த்தபடி ரிலீஸ் செய்ய முடியாமல் போனது. அதனால் படம் பார்க்க வாய்ப்பு கிடைத்தவர்கள், தாங்கள் ஏதோ புண்ணியம் செய்து விட்டவர்கள் என்ற ரேஞ்சுக்கு தியேட்டருக்குள் சென்றனர். ஆனால் படம் முடிந்து வெளியில் வரும் போது, 'என்ன பாவம் செய்தோமோ.. இந்தப் படத்தைப் பார்க்க வேண்டியதாகி விட்டதே' என அவர்கள் புலம்பியதெல்லாம் வேறு கதை.

அவர்களது கோபத்தை மேலும் அதிகரிப்பது மாதிரி, முத்தமழை பாடலை படத்தில் கட் செய்து விட்டார்கள். பட ரிலீசுக்கு முன்னர் தீ பாடிய முத்தமழை பாடலை, சின்மயி தன் ஸ்டைலில் பாட, படத்தில் யார் பாடியது இடம் பெற்றிருக்கும் என ஆர்வத்தோடு தியேட்டருக்குப் போய் ஏமாந்தது வந்தவர்கள்தான் அதிகம். இதனால் தங்கள் கோபத்தை எல்லாம் சமூகவலைதளப் பக்கங்களில் மீம்ஸ்களாகக் கொட்டித் தீர்த்து வருகின்றனர் நெட்டிசன்கள்.

இதோ அப்படியாக நம் கண்ணில் பட்ட சில நகைச்சுவையான தக் லைஃப் மீம்ஸ்களின் தொகுப்பு உங்களுக்காக...

English summary

These are some jolly memes collection on Kamal's Thug life movie.