நோய் வராம தடுக்க தடுப்பூசி போடுற மாதிரி.. காதல் வராம இருக்க தடுப்பூசி ஏதாவது இருக்கா?
சென்னை : காதலர் தினத்தன்று யாராவது தன்னிடம் காதலைச் சொல்ல மாட்டார்களா என பலரும் ஏங்கிக் கொண்டிருக்க, "நோய் வராம தடுக்க தடுப்பூசி போடுற மாதிரி.. காதல் வராம இருக்க தடுப்பூசி இருந்தா சொல்லுங்க பாஸ்!" என மீம்ஸ் போட்டு புலம்பி வருகிறது ஒரு குரூப்.
கண்கள் நிறைய காதலோடு, நாளை காதலர் தினத்தை எப்படியெல்லாம் கொண்டாடலாம் என காதலர்கள் யோசித்துக் கொண்டிருக்கின்றனர். தங்களது துணைக்கு என்னவெல்லாம் பரிசு வாங்கிக் கொடுத்து, அவர்களை இன்ப அதிர்ச்சிக்கு ஆளாக்கலாம் என நண்பர்களிடம் யோசனை கேட்பவர்களும் ஏராளம். இப்படி காதலில் விழுந்தவர்கள் விதவிதமாக யோசித்துக் கொண்டிருக்க, இந்த வருடமாவது தங்களிடம் யாராவது காதலைச் சொல்ல மாட்டார்களா? தாங்களும் காதலர் தினத்தை ஜோடியாக கொண்டாட மாட்டோமா என ஏங்கிக் கிடக்கிறது ஒரு குரூப்.
ஆனால் இந்த இரண்டு குரூப்பிலும் சிக்காமல், 'வர வர காதல் கசக்குதுடா..' என பாண்டியராஜன் ரேஞ்சுக்கு பாட்டுப் பாடிக் கொண்டிருந்த ஒரு குரூப், தற்போது கொஞ்சம் அப்டேட் ஆகி, மீம்ஸ் போட்டு தங்களது புலம்பல்களை வெளிப்படுத்தி வருகின்றனர். "நோய் வராம தடுக்க தடுப்பூசி போடுற மாதிரி.. காதல் வராம இருக்க தடுப்பூசி இருந்தா சொல்லுங்க பாஸ்!" என மீம்ஸ்களை பகிர்ந்து, காதல் வராமல் இருக்க தடுப்பூசியைத் தேடுகிற அளவிற்கு போய் விட்டார்கள் இவர்கள்.
போதாக்குறைக்கு இந்த மீம்ஸ் பகிரும் குரூப்பில் திருமணமானவர்களும் சேர்ந்து கொள்ள, சமூகவலைதளப் பக்கங்களில் காதலர் தின மீம்ஸ்களோடு, கல்யாணமானவர்கள் மீம்ஸும் களை கட்டி வருகிறது.
இதோ அப்படியாக சமூகவலைதளப் பக்கங்களில் பகிர்ந்து வரும் மீம்ஸ்களில், நம் கண்ணில் பட்ட சிலவற்றின் தொகுப்பு உங்களுக்காக...
Click it and Unblock the Notifications
Sign in with Google