கில்லி விஜயாக ரிஷப் பண்ட்.. கொயங்காவிற்கு அல்வா கொடுத்த குட்டி தோனி.. தெறிக்கும் லக்னோ மீம்ஸ்!

Updated: Tuesday, May 20, 2025, 10:49 [IST]

Subscribe to Oneindia Tamil

லக்னோ: ஐதராபாத் அணிக்கு எதிரான போட்டியில் லக்னோ அணி 6 விக்கெட்டுகள் வித்தியாசத்தில் தோல்வியை சந்தித்தது. இதன் காரணமாக பிளே ஆஃப் சுற்றுக்கான வாய்ப்பை லக்னோ அணி இழந்துள்ளது. இந்த போட்டியின் போது நடந்த சுவாரஸ்யங்களை வைத்து ரசிகர்கள் சோசியல் மீடியாவில் உருவாக்கியுள்ள மீம்ஸை பார்க்கலாம்.

மிடில் கிளாஸ் மாதவன் படத்தில் ஆட்டோ டிரைவராக வரும் வடிவேலு, தனது பயணியிடம், "6 மணிக்கு மேல வண்டி ஓடாது" என்று சொல்வார். அதில் வரும் வடிவேலுவாக இஷான் கிஷனையும், பயணியாக காவ்யா மாறனையும் மாற்றி, "ஃபர்ஸ்ட் மேட்ச்-க்கு பிறகு வண்டி ஓடாது" என்று சொல்வதாக உருவாக்கப்பட்டுள்ள மீம் குபீர் ரகம்.

memes lsg vs srh Rishabh pant Sanjiv Goenka

கில்லி படத்தில் கோபக்கார தந்தையை ஏமாற்ற விஜய் ஒரு பிஸ்கட் பாக்கெட்டுடன் வருவார். அந்த காட்சியில் பிஸ்கட்டுக்கு பதிலாக அல்வா கொடுப்பதாக காட்டப்படும். அதனை அப்படியே விஜயாக ரிஷப் பண்ட்-ஐயும், கோபக்கார தந்தையான ஆஷிஷ் வித்யார்த்தியை சஞ்சீவ் கொயங்காவாகவும் மாற்றி, லக்னோ அணி பிளே ஆஃப் சுற்றுக்கான ரேஸில் இருந்து வெளியேறிவிட்டு ரிஷப் பண்ட் அல்வா கொடுப்பதாக உருவாக்கப்பட்டுள்ள மீம் ஆப்பு கண்ணுக்கு தெரியாது ரகம்.

ஹெல்மெட் விழிப்புணர்வு குறும்படம் ஒன்றில் முதலமைச்சர் மு.க.ஸ்டாலின், "ஒரு பிரயோஜனமும் இல்லை" என்று சொல்வார். நேற்றைய ஆட்டத்தில் அபிஷேக் சர்மாவை பார்த்து திக்வேஷ் ராதி வெளியே போ என்று சைகை காட்டினார். இதன்பின் இருவருக்கும் இடையில் மோதல் ஏற்பட்டது. இதனை ஐதராபாத் அணி வீரர்கள் பார்த்து, "ஒரு பிரயோஜனமும் இல்லை" என்று சொல்வதாக உருவாக்கப்பட்டுள்ள மீம் சோலிய முடிச்ச அப்புறம் என்ன சண்டை ரகம்.

ஜெயம் படத்தில் வில்லன் கோபிசந்தை நாயகனான ஜெயம் ரவி அடிப்பார். அப்போது சதா, "நான் பார்க்கிறேன்.. நீ அடி" என்று சொல்வார். அதில் வரும் வில்லனாக லக்னோ அணியையும், ஜெயம் ரவியாக அபிஷேக் சர்மாவையும், சதாவாக யுவராஜ் சிங்கையும் மாற்றி, "நான் பார்க்கிறேன்.. நீ அடி" என்று சொல்வதாகவும், இதனால் உற்சாகமாகி அபிஷேக் சர்மா 18 பந்துகளில் அரைசதம் அடித்ததாகவும் உருவாக்கப்பட்டுள்ள மீம் மாட்டிக்கிட்டாரு ஒருத்தரு.. அவர காப்பாத்தனும் கர்த்தரு ரகம்.