கஷ்டப்பட்டு கல்யாணம் பண்ணினேன்.. இப்போ.. கல்யாணம் பண்ணிக்கிட்டு ரொம்ப கஷ்டப்படுறேன்!
சென்னை : ஆவணி மாதத்தில் முகூர்த்த நாட்கள் அதிகமாக இருப்பதால், சமூகவலைதளப் பக்கங்களிலும் திருமணம் பற்றிய மீம்ஸ்களைப் பகிர்ந்து கலகலக்க வைத்து வருகின்றனர். ஆனால் சற்று வித்தியாசமாக சில மீம்ஸ்கள் இரண்டாவது கல்யாணத்தைப் பற்றியெல்லாம் பேசியிருப்பது ஆச்சர்யமாகவும், அதே சமயம் ரசிக்கும்படியாகவும் இருக்கிறது.
திருமணம் பற்றிய மீம்ஸ்கள் என்றாலே பெரும்பாலும் 90ஸ் கிட்ஸ்களைக் கலாய்த்திருக்கும் அல்லது மொய் வைப்பதைப் பற்றி இருக்கும். ஆனால் இந்த முறை சற்று வித்தியாசமாக தரகரிடம், 'கல்யாணம் பண்ணிக்க பொண்ணு வேணும்.. ஒண்ணும் பெரிய கண்டிசன் எல்லாம் இல்ல.. என்ன இப்ப இருக்கற பொண்டாட்டி மாதிரி மட்டும் இருக்கக்கூடாது' என கணவர்கள் கோரிக்கை வைப்பதாக வித்தியாசமாக சிந்தித்திருக்கின்றனர் நெட்டிசன்கள்.
நிச்சயம் இந்த மீம்ஸை உருவாக்கியவருக்கு வீட்டில் தர்ம அடி கிடைத்திருக்கும் என்பதில் சந்தேகமேயில்லை. ஆனால், ஆச்சர்யமாக இந்த மீம்ஸை இணையத்தில் அதிகம் பகிர்ந்து வருகின்றனர். இவ்வளவு நாளாக மனைவி மீது குறை மட்டுமே கூறி, மீம்ஸ்களைப் பகிர்ந்து வந்தவர்கள், இப்போது இன்னும் அட்வான்சாக இந்தளவுக்கு வந்து விட்டார்களா? என ஆச்சர்யப்பட வைக்கின்றன இந்த மீம்ஸ்கள்.
இதோ அப்படியாக சமூகவலைதளப் பக்கங்களில் நம் கண்ணில் பட்ட இன்னும் சில திருமணம் பற்றிய நகைச்சுவையான மீம்ஸ்களின் தொகுப்பு உங்களுக்காக...
Click it and Unblock the Notifications
Sign in with Google