"கருப்பன் வரான்.. வழிமறிக்காதே" 58 பந்துகளில் சதம் விளாசிய விராட் கோலி.. தெறிக்கும் ஆர்சிபி மீம்ஸ்!

Updated: Thursday, May 14, 2026, 11:50 [IST]

Subscribe to Oneindia Tamil

பெங்களூர்: கேகேஆர் அணிக்கு எதிரான போட்டியில் 6 விக்கெட்டுகள் வித்தியாசத்தில் ஆர்சிபி அணி வெற்றி பெற்றதோடு, புள்ளிப் பட்டியலிலும் முதலிடத்திற்கு முன்னேறி இருக்கிறது. இதனை வைத்து சோசியல் மீடியாவில் ஆர்சிபி ரசிகர்கள் மீம்ஸ் உருவாக்கி உற்சாகத்தை வெளிப்படுத்தி வருகின்றனர். இதுதொடர்பாக விரிவாக பார்க்கலாம்.

கருப்பு ட்ரெய்லரில் சூர்யா, "கொஞ்சம் நாள் விலகி இருந்தேன்.. அதற்காக நான் யாருன்னு கூட மறந்து போய்ட்டீங்களா" என்று பேசுவார்.. அதில் வரும் சூர்யாவாக விராட் கோலியை மாற்றி, கடந்த 2 போட்டிகளாக டக் அவுட்டாகி விட்டேன்.. அதற்காக நான் யாருனு கூட மறந்துருவீங்களா என்று சதம் அடித்துவிட்டு கேட்பதாக உருவாக்கப்பட்டுள்ள மீம் கருப்பன் வரான் வழி மறிக்காதே ரகம்.

புதுப்பேட்டை படத்தில் எழும்பூர் ஏரியாவை குமார் வசம் ஒப்படைத்த பின், தனுஷ் பின்னால் அவரின் நண்பர்கள் திரண்டு நிற்பார்கள். அதில் வரும் தனுஷாக விராட் கோலியையும், அவரின் நண்பர்களாக ஆர்சிபி அணியையும் மாற்றி உருவாக்கப்பட்டுள்ள மீம் எங்க ஏரியா.. உள்ள வராத ரகம்.

குசேலன் படத்தில் பசுபதியை சந்திக்கும் ரஜினிகாந்த், "என்னுடைய நண்பன் பாலு" என்பார். நேற்றைய ஆட்டத்தில் மணீஷ் பாண்டே பிடித்த டைவிங் கேட்ச் களத்தில் நின்றிருந்த விராட் கோலியை பிரமிக்க வைத்தது. இதனால் மணீஷ் பாண்டேவை பிடித்து விராட் கோலி பாராட்டி என்னுடைய இந்திய யு19 அணியின் நண்பன் என்று சொல்வதாக உருவாக்கப்பட்டுள்ள மீம் எமோஷனல் மொமண்ட்.

விக்ரம் படத்தின் கடைசியில் வரும் ரோலக்ஸ் சூர்யா, "ஸ்க்ராட்ச்ல இருந்து ஸ்டார்ட் பன்றேன்.. இட்ஸ் ஆல் ரைட்.." என்று கெத்தாக சொல்வார். அதுபோல் கடந்த 2 போட்டிகளாக டக் அவுட்டாகி ஏமாற்றம் அளித்த விராட் கோலி, ஸ்க்ராட்ல இருந்து ஸ்டார்ட் பண்றேன் என்று சொல்லி சதம் விளாசியதாக உருவாக்கப்பட்டுள்ள மீம் கெத்து மொமண்ட்.

யூடியூப் பிரபலம் ஒருவர் ஆயுத பூஜையின் போது கேமராவுக்கு சூடம் ஏற்றி கொண்டாடுவார். அதுபோல் விராட் கோலி சதம் விளாசியதை அவரது ரசிகர்கள் சூடம் ஏற்றி விராட் கோலிக்கு ஆரத்தி எடுத்து திருஷ்டி பூசி கொண்டாடுவதாக உருவாக்கப்பட்டுள்ள மீம் எங்க கிங் ஃபார்முக்கு வந்துட்டாரு ரகம்.