80 நிமிடத்திற்கு அப்றம் பாருங்க.. சும்மா சில்லு சில்லுனு கோல் அடிப்பான்.. தெறிக்கும் மெஸ்ஸி மீம்ஸ்!

Updated: Thursday, July 16, 2026, 11:34 [IST]

Subscribe to Oneindia Tamil

அட்லாண்டா: ஃபிஃபா உலகக்கோப்பை அரையிறுதி போட்டியில் அர்ஜென்டினா அணி 2-1 என்ற கணக்கில் வென்று இறுதிப் போட்டிக்கு முன்னேறியுள்ளது. இந்த போட்டியில் நடந்த சுவாரஸ்யமான சம்பவங்களை வைத்து சோசியல் மீடியாவில் உருவாக்கப்பட்டுள்ள தரமான மீம்ஸை பார்க்கலாம்.

சொல்வதெல்லாம் உண்மை நிகழ்ச்சியில் ஒரு எபிசோடில், மேடம்.. இது ஆக்‌ஷன் மேடம்.. சும்மா சில்லு சில்லு சில்லுனு நடந்து வருவேன் மேடம் என்பார். அதில் வரும் எதிர் நபரை அர்ஜென்டினா வீரராகவும், அந்த நபரை அர்ஜென்டினா ஹேட்டராகவும் மாற்றி, மேடம் அவனுக்கு கோல் போட தெரியாதுனு சொல்றது ஆக்‌ஷன் மேடம்.. இவன் நடவடிக்கை 80 நிமிஷத்துக்கு அப்புறம் பாருங்க.. கடைசி நேரத்தில் 2 கோல் போடுவான் மேடம் என்று சொல்வதாக உருவாக்கப்பட்டுள்ள மீம் ஜாலியோ ஜிம்கானா ரகம்.

ஃபிரண்ட்ஸ் படத்தில் விழுந்து உடைந்த கடிகாரத்தை பார்க்கும் விஜய்யை வடிவேலு, என்ன ஃபீலிங்கா.. இல்ல ஃபீலிங்கானு கேட்டேன்.. எனக்குதான்டா ஃபீலிங்கு என்பார். அதில் வரும் விஜய்யாக இங்கிலாந்து அணியையும், வடிவேலுவாக போர்ச்சுகல் அணியையும் மாற்றி, என்ன தோற்றுட்டோம்னு ஃபீலிங்கா.. இல்ல ஃபீலிங்கானு கேட்குறேன்.. எனக்குதான்டா ஃபீலிங்கு என்று சொல்வதாக உருவாக்கப்பட்டுள்ள மீம் விட்டா கிறுக்கனா மாத்திருவாங்க ரகம்.

எம்-மகன் படத்தில் வரும் தாத்தாவுக்கு பால் ஊற்ற எழுப்பும் போது ஒருவர், முதல்ல நீங்க பால் ஊத்துறத நிறுத்துங்க.. அது குடிச்சு குடிச்சுதான் அந்த ஆளு தெம்பா இருக்காரு என்பார். அதில் வரும் அந்த நபராக ரெனால்டோ ரசிகரை மாற்றி, நீங்க முதல் ஹேட் வாட்ச் போடுறேனு விடிய விடிய உட்காருறத நிறுத்துங்கடா.. உங்க கண்ணீர்லாம் குடிச்சு குடிச்சு தான் அந்த மெஸ்ஸி தெம்பா கோல், அசிஸ்ட்னு போட்டுட்டே சுத்துறான் என்று சொல்வதாக உருவாக்கப்பட்டுள்ள மீம் குபீர் ரகம்.

பேட்ட படத்தில் ரஜினிகாந்த் எதிரிகளை வீழ்த்திவிட்டு, நான் வீழ்வேன் என்று நினைத்தாயோ என்பார். அதுபோல் 85 நிமிடங்கள் வரை கோல் அடிக்காமல் அர்ஜென்டினா அணி தடுமாறிய போது, அடுத்த சில நொடிகளில் மெஸ்ஸியால் மாற்றம் நிகழ்ந்தது. இதனால் ரஜினியாக மெஸ்ஸியை மாற்றி, நான் வீழ்வேன் என்று நினைத்தாயோ என்று சொல்வதாக உருவாக்கப்பட்டுள்ள மீம் மரணம் மாஸு மரணம் ரகம்.

கருப்பன் படத்தில் சூர்யா தன்னுடைய எல்லைக்குள் சென்ற பின் அரிவாளுடன் ஓடி வருவார்.. அதுபோல் அர்ஜென்டினா அணி இறுதிப் போட்டிக்கு முன்னேறிய பின், சூர்யாவாக மெஸ்ஸியை மாற்றி, அடிச்சு தூக்கு சாமி என்று சொல்வதாக உருவாக்கப்பட்டுள்ள மீம் கருப்பன் வரான் வழி மறிக்காதே ரகம்.