"என் கடமை எம்ஜிஆர்" சஞ்சு சாம்சனை வெளுக்கும் ருதுராஜ் ரசிகர்கள்.. தெறிக்கும் தரமான மீம்ஸ்!

Updated: Sunday, February 1, 2026, 11:06 [IST]

Subscribe to Oneindia Tamil

மும்பை: நியூசிலாந்து அணிக்கு எதிரான கடைசி டி20 போட்டியில் இந்திய 46 ரன்கள் வித்தியாசத்தில் அபார வெற்றியை பெற்றது. இந்தப் போட்டியில் நடந்த சம்பவங்களை வைத்து ரசிகர்கள் சோசியல் மீடியாவில் ஜாலியான மீம்ஸை உருவாக்கி இருக்கின்றனர். இந்த செய்தியில் அதில் சிலவற்றை பார்க்கலாம்.

எம்.குமரன் சன் ஆஃப் மகாலட்சுமி படத்தில் விவேக் தந்தை மனோபாலா மோசமாக திட்டிக்கொண்டிருப்பார். அப்போது போலீஸ் உடையில் இருக்கும் விவேக், ஒரு நேர்மையான போலீஸ் அதிகாரியை ஒருவர் திட்டுகிறார். அதனை பொதுமக்கள் வேடிக்கை பார்க்கிறார்கள் என்று சொன்னவுடன், அங்கிருப்பவர்கள் மனோபாலாவை அடிக்க தொடங்கிவிடுவார்கள். இறுதியாக என் கடமை எம்ஜிஆர் என்று விவேக் சொல்லிவிட்டு ஓடிவிடுவார். அதுபோல் சஞ்சு சாம்சனால மனோபாலாவையும், விவேக்காக ருதுராஜ் ரசிகர்களையும் மாற்றி, "என் கடமை எம்ஜிஆர்" என்று சஞ்சு சாம்சனை வெளுப்பதாக உருவாக்கப்பட்டுள்ள மீம் இதுக்கு மேல பாடி தாங்காது ரகம்.

டாக்டர் படத்தில் ரெடின் கிங்ஸ்லி, பிரதாப் உள்ளிட்ட 3 பேரும் வாங்க.. எஸ்பி உங்ககிட்ட மன்னிப்பு கேட்கணுமாம் என்று யோகி பாபுவை கோர்த்துவிடுவார். அதில் வரும் ரெடின் கிங்ஸ்லியாக இஷான் கிஷனையும், யோகிபாபுவாக சஞ்சு சாம்சனையும் மாற்றி, "சேட்டா.. டக் அவுட் கிட்ட வாங்க.. கார்டு ஆஃப் ஹானர் கொண்டாட்டம் பண்ணனுமாம்" என்று கோர்த்துவிடுவதாக உருவாக்கப்பட்டுள்ள மீம் அமுக்கு டுமுக்கு அமால் டுமால் ரகம்.

ஒரு படத்தில் அதிக நகையுடன் வெளியில் சுற்றும் வடிவேலுவை பார்த்து அல்வா சீனு கத்தியால் குத்திவிடுவார். அப்போது சிங்கமுத்து, "நான் தான் முன்னாடியே சொன்னேன்லயா.. மண்டக்கோளாறு உள்ளவன் லூசுப்பய.. உள்ளவிட்டு கிண்டிருவான்னு" என்பார். இதில் வரு அல்வா சீனுவாக ஹர்திக் பாண்டியாவையும், வடிவேலுவாக நியூசிலாந்து அணியையும், சிங்கமுத்துவாக இந்திய அணியை மாற்றி, "மண்டக்கோளாறு உள்ளவன்.. ஆட்டத்தையே மாற்றிவிட்டுட்டானா" என்று கேட்பதாக உருவாக்கப்பட்டுள்ள மீம் சோலி முடிஞ்ச் ரகம்.

புதுப்பேட்டை படத்தில் தனுஷை பார்த்து அழகம் பெருமாள், "இதை வச்சுக்கிட்டாடா என்ட்ட அவ்வளவு அடி வாங்கின" என்று கேட்பார். நியூசிலாந்து அணியின் ஃபின் ஆலன் 38 பந்துகளில் 80 ரன்கள் விளாசியதை ஒப்பிட்டு, அழகம் பெருமாளை இந்திய ரசிகனாக மாற்றி, "இவனை வச்சிக்கிட்டாடா இவ்ளோ நாளா என்கிட்ட அடி வாங்கின" என்று கேட்பதாக உருவாக்கப்பட்டுள்ள மீம் ஜஸ்ட் மிஸ்ஸு.. இல்லைனா முடிச்சிவிட்ருப்பான் ரகம்.