குக்கரை ஏன்டா தூக்கிட்டு போன.. குக்கர மேல விசில் இருந்துச்சு சார்.. தவெகவை அதிரவிடும் மீம்ஸ்!
சென்னை: தவெக மீது அமமுக பொதுச்செயலாளர் டிடிவி தினகரன் குதிரை பேரக் குற்றச்சாட்டை முன் வைத்துள்ளார். அமமுக எம்எல்ஏ காமராஜ் தவெகவுக்கு ஆதரவாக கடிதம் கொடுத்த வீடியோவும் வெளியாகி இருக்கிறது. இதனை வைத்து சோசியல் மீடியாவில் உருவாக்கப்பட்டுள்ள மீம்ஸை பார்க்கலாம்.
தவெக தலைவர் விஜய் நேற்று இரவு ஆளுநர் ராஜேந்திர அர்லேகரை 3வது முறையாக சந்தித்து ஆட்சி அமைக்க உரிமை கோரினார். இதனால் விஜய் முதல்வராக பொறுப்பேற்பார் என்று எதிர்பார்க்கப்பட்டது. ஆனால் திடீரென அமமுக பொதுச்செயலாளர் டிடிவி தினகரன் ஆளுநர் மாளிகைக்கு வந்தார். அப்போது எடப்பாடி பழனிசாமி முதல்வராக அமமுக எம்எல்ஏ காமராஜ் கையெழுத்திட்ட கடிதத்தை ஆளுநரிடம் வழங்கினார்.
தொடர்ந்து, அமமுக எம்.எல்.ஏ காமராஜ் தவெகவை நிபந்தனையின்றி ஆதரிப்பதாக போலி கடிதம் அளித்துள்ளனர். ராவணைனை சீதை தூக்குவது போல் எங்கள் எம்.எல்.ஏவை தூக்கியுள்ளனர். ஆட்சி அமைப்பதற்கு முன்பே இப்படியா, இது தான் தூய சக்தியா என டிடிவி தினகரன் கேள்வி எழுப்பினார். இது அதிர்வலைகளை ஏற்படுத்தி இருக்கிறது.
இதனைத் தொடர்ந்து அமமுக எம்எல்ஏ காமராஜ் கைப்பட தவெகவுக்கு ஆதரவு அளிப்பதாக எழுதிய கடித வீடியோவை தவெக வெளியிட்டது. இதன் மூலமாக என்டிஏ கூட்டணியில் இருக்கும் அமமுகவிடம் ஆதரவு கோரி தவெக தரப்பு நாடியது தெரிய வந்துள்ளது. இது தவெக மீதான குதிரை பேர குற்றச்சாட்டுகளுக்கு இடம் கொடுத்துள்ளது.
இந்த நிலையில் அமமுகவிடம் ஆட்சி அமைக்க தவெக ஆதரவு கோரியது தொடர்பாக சோசியல் மீடியாவில் மீம் உருவாக்கப்பட்டு வருகிறது. அப்படியொரு மீமில், ஆளுநர் "குக்கரை ஏன்டா தூக்கிட்டு போன" என்று கேட்பதாகவும், அதற்கு தவெக, "குக்கர் மேல விசில் இருந்துச்சு சார்.. அதான்" என்று பதில் அளிப்பதாக உருவாக்கப்பட்டுள்ள மீம் அடப்பாவிகளா ரகம்.
Click it and Unblock the Notifications
Sign in with Google