உப்பு தேவையான அளவு.. அது தெரிஞ்சா நாங்களே சமைக்க மாட்டோமா!

சென்னை: உணவு என்பது நமது உடலுக்கு அத்தியாவசியமானது. அதை அவரவருக்கு பிடித்தது போல சமைத்து சாப்பிடுகிறார்கள். சமையல் என்பது மிகப்பெரிய கலை. ரசிச்சு ருசிச்சு செய்யும் உணவு பலருக்கும் பிடித்துவிடுகிறது.
முன்பு பெரியவர்களிடம் பார்த்த வழியிலோ, பழக்கமாக தெரிந்த சாப்பாட்டிலோ தான் பலரும் சமையல் செய்து வந்தார்கள். ஆனால் இப்போது அந்த காலம் மாறிவிட்டது. யூடியூப் வீடியோக்களை பார்த்து, புதிய ரெசிபிகளை தேடி, சுவாரசியமான உணவுகளை முயற்சி செய்யும் ஆர்வம் அனைவரிடமும் அதிகரித்திருக்கிறது.

இது சரியாக வந்தாலும் வராவிட்டாலும், ஒருமுறை சமைத்து பார்த்தே ஆக வேண்டும் என்ற ஆர்வம் முக்கிய காரணமாக இருக்கிறது. இன்ஸ்டன்ட் குக்கிங் ரெசிபிகள் முதல், வெளிநாட்டு சுவைமிகு உணவுகள் வரை மக்கள் பல மணி நேரம் எடுத்துக்கொண்டு கூட சமைத்து சுவைக்கத் தயாராக உள்ளார்கள். இதனால், சமைப்பது ஒரு தேவையாக மட்டுமல்லாமல், ஒரு ஆர்வம், ஒரு அனுபவமாகவும் மாறி வருகிறது.

இணையத்தில் காணும் பல உணவுகளை செய்து வீட்டில் அதை சுவைக்கும் குடும்பத்தினருக்கு சில சமயம் சிரிப்பையும் சில சமயம் சிரமத்தையும் ஏற்படுத்துகிறது. குறிப்பாக சமையலில் அனுபவமில்லாத பெண்கள் யூடியூப் ரெசிபிகளை முயற்சி செய்வது, அந்த வீட்டுக்குள் கலகலப்பையும் சிரிப்பையும் உருவாக்கி விடுகிறது.

English summary

Memes in tamil: Online recipes often turn kitchens into fun filled chaos, bringing laughter at home.