லட்சத்தை நெருங்கும் தங்கம் விலை.. என்னோட சம்பளமே 20 ஆயிரம் தான்டா!

சென்னை: இந்தியாவில் தங்கம் வெறும் நகை அல்ல அது ஒரு உணர்ச்சி. தங்க விலை ஒவ்வொரு நாளும் ஏற்றம், இறக்கம் கண்டாலும், பெண்களின் தங்க மீதான ஆர்வம் குறைவதில்லை.

பழமையான காலத்திலிருந்து இன்று வரை, தங்கம் பெண்களின் அழகையும், குடும்பத்தின் பெருமையையும் குறிக்கிறது. திருமண கலாச்சாரத்தில் தங்கம் முக்கியமான பங்கு வகிக்கிறது. தங்கள் கெளரவம் அதில் தான் அடங்கியுள்ளது என நினைக்கிறார்கள். இன்றைய தலைமுறை பெண்களும் தங்கத்தை ஒரு முதலீடாக பார்த்தாலும், அழகிற்காக பார்த்தாலும் அதை வாங்கும் ஆர்வம் மற்றும் மாறவில்லை.

தங்க விலை அதிகமாக இருந்தாலும், திருமண காலங்களில் ஜுவல்லரி கடைகளில் கூட்டம் குறைவதில்லை. செய்திகளில் தங்கம் விலை 100ரூபாய் குறைந்தால் கூட, அதை பார்த்த உடனே கூட பலர் "இன்று ரேட் கொஞ்சம் குறைச்சிருக்கே, போய் ஒரு பங்கு வாங்கலாம்" என்று நினைக்கிறார்கள்.

இந்திய பெண்கள் மற்றும் தங்கம் என்ற கதை ஒருபோதும் முடிவதில்லை. தங்கம் விலை எவ்வளவு உயர்ந்தாலும், பெண்களின் முகத்தில் மின்னும் அந்த புன்னகை அதுதான் உண்மையான பொலிவாக இருக்கும்.

இதில் இன்னொரு விஷயம் என்னவென்றால், ஏற்கனவே 90ஸ் கிட்ஸ்க்கு பொண்ணு கிடைப்பதில்லை. தங்கம் விலை ஏறிக்கொண்டே போனால் பொண்ணும் கிடைக்காது, கல்யாணமும் நடக்க போறதில்லை என ஒரு பக்கம் புலம்புகிறார்கள். இந்த விலை ஏற்றம் சமூக வலைதளங்களில் தற்போது ஒரு பேசு பொருளாக மாறியுள்ளது.

English summary

Memes in tamil: Gold prices may rise and fall, but women’s love for gold never fades. From weddings to investments, gold remains an emotion that shines brighter than ever