எத்தனை மணிக்கு முழிச்சு பார்த்தாலும் 10 பேர் ஆன்லைன்லயே இருக்கீங்களேடா.. எப்புட்றா!
சென்னை : மன அழுத்தம், இரவில் தூக்கம் வரவில்லை என விதவிதமாக மீம்ஸ் போட்டு புலம்பி வருகின்றனர் நெட்டிசன்கள்.
தொழில்நுட்ப வளர்ச்சியால் நம் வேலைப்பளு குறைந்துள்ளதே தவிர, உடல் உபாதைகள் அதிகரித்துள்ளது என்றுதான் கூற வேண்டும். அதிலும் குறிப்பாக செல்போன்களின் ஆதிக்கத்தால் இரவில் பலர் நிம்மதியாக தூங்குவதே இல்லை. இரவில் வெகுநேரம் விழித்திருந்து செல்போன் பார்ப்பது, காலையில் எழுந்ததும் முதல் வேலையாக செல்போனைக் கையில் எடுப்பது என பலர் செல்போன்களுக்கு அடிமையாகவே மாறி விட்டனர்.
இருக்கிற பிரச்சினைகளில் இந்த மன அழுத்தமும் அதோடு சேர்ந்து விட, இரவில் விழித்திருந்து அதிக நேரம் செல்போன் பார்ப்பதற்கு காரணமாக, மன அழுத்தத்தைத்தான் கூறுகிறார்கள். அதனாலேயே இப்போதெல்லாம் மருத்துவர்களிடம் சென்றால், அவர்கள் கேட்கும் முதல் கேள்வி, 'இரவில் நன்றாக தூங்குகிறீர்களா?', 'மன அழுத்தம் இருக்கிறதா?' என்பதாகத்தான் இருக்கிறது.
இப்படி தங்களைப் பாடாய் படுத்தும் மன அழுத்தத்தையும் மீம்ஸ் போட்டு புலம்பி வருகின்றனர் சமூகவலைதளப் பக்கங்களில். "எத்தனை மணிக்கு முழிச்சு பார்த்தாலும் 10 பேர் ஆன்லைன்லயே இருக்கீங்களேடா.. எப்புட்றா!", என்றும், "உன்னாலே முடியாதென்று ஊரே சொல்லும் நம்பாதே".. ஏன்னா.. அதான் உனக்கு ஏற்கனவே தெரியுமே முடியாதுனு!" என்றும் விதவிதமாக, அதேசமயம் நகைச்சுவையாக தங்களது புலம்பல்களை மீம்ஸ்களாக்கியுள்ளனர்.
இதோ அப்படியாக நம் கண்ணில் பட்ட சில மீம்ஸ்களின் தொகுப்பு உங்களுக்காக...
Click it and Unblock the Notifications
Sign in with Google