குசால் மெண்டிஸை மொத்தமா வாங்கிட்டீங்களேடா.. புலம்பும் சிஎஸ்கே ரசிகர்கள்.. தெறிக்கும் மும்பை மீம்ஸ்!
சென்னை: குஜராத் அணிக்கு எதிரான போட்டியில் மும்பை அணி 20 ரன்கள் வித்தியாசத்தில் அபார வெற்றியை பெற்றுள்ளது. இந்த போட்டியில் வென்றதன் மூலமாக மும்பை அணி குவாலிஃபையர் 2வது போட்டிக்கு முன்னேறியுள்ள நிலையில், ஆட்டத்தில் நடைபெற்ற சுவாரஸ்யமான சம்பவங்களை வைத்து சோசியல் மீடியாவில் ரசிகர்கள் உருவாக்கிய மீம்ஸை பார்க்கலாம்.
ஆதி படத்தில் வில்லன் முன்னால் சென்று அமரும் விஜய் துப்பாக்கியை வைத்து, "இங்க பாரு.. முடிஞ்சா என்னைய கொன்னுடு.. இல்ல நான் உன்னைய முடிச்சிருவேன்" என்று ஆவேசமான மிரட்டுவார். அதில் வரும் வில்லனாக மும்பை அணியையும், விஜயாக சாய் சுதர்சனையும் மாற்றி, "இங்க பாரு.. முடிஞ்சா என்னுடைய விக்கெட்டை எடுத்திடு.. இல்ல நான் உன்னை முடிச்சிருவேன்" என்று சொல்வதாக உருவாக்கப்பட்டுள்ள மீம் தக் லைஃப் மொமண்ட்.
பரிதாபங்கள் வீடியோ ஒன்றில் சுதாகர் தனது நண்பரிடம், "அதுதான் வாங்கிட்டீங்களே.." என்று புலம்புவார்.. அதனை குசால் மெண்டிஸ் கேட்ச் விட்டதையும் ஒப்பிட்டு, சிஎஸ்கே ரசிகராக சுதாகரை மாற்றி, "வாங்கிட்டீங்களாடா.. குஜராத் டீமையே விலை கொடுத்து வாங்கிட்டீங்களா" என்று கேட்பதாக உருவாக்கப்பட்டுள்ள மீம் அம்பானி இறங்கிட்டான் மாமா மொமண்ட்.
சார்பட்டா பரம்பரை படத்தில் கருப்பு எம்ஜிஆர் கெட்டப்பில் வரும் மாறன் ஆர்யாவை, "என்ன மாதிரி ஆட்டம்பா" என்று மாலை போட்டு பாராட்டுவார். அதில் வரும் மாறனாக ஹர்திக் பாண்டியாவையும், ஆர்யாவாக அஸ்வனி குமாரையும் மாற்றி, "என்னா மாதிரி ஆட்டம்பா" என்று சொல்வதாக உருவாக்கப்பட்டுள்ள மீம் ரங்கன் வாத்தியார் சிஷ்யன்டா மொமண்ட்.
மீசைய முறுக்கு படத்தில் ஜூனியரை கலாய்க்கும் சீனியர், "டேய் உன்னைய கழுதை மாதிரி போக சொன்னேன்.. இப்படி டான்ஸ் ஆட சொல்லலை" என்று சொல்வார். அதில் சீனியராக ஆஷிஷ் நெஹ்ராவையும், ஜூனியராக குசால் மெண்டிஸையும் மாற்றி, "உன்னைய குஜராத் மாற்று வீரர் மாதிரி விளையாட சொன்னேன்.. மும்பை மாற்று வீரர் மாதிரி ஆட சொல்லலை" என்று உருவாக்கப்பட்டுள்ள மீம் ஐயோ முடியலைடா சாமி மொமண்ட்.
திருப்பாச்சி படத்தில் விஜய் பட்டாசு பாலு முன்பாக, "ஈட்டியை எறிந்து என்னாடா குறி வைக்கிறான் உன் ஆளு.. குறினா இப்படி இருக்கணும்" என்று சொல்வார். அதனை அப்படியே விஜயாக சாய் சுதர்சனை மாற்றி, "என்னடா பேட்டிங் செய்றான் உன் ஆளு.. ஆட்டன்மா இப்படி இருக்கணும்" என்று 759 ரன்களை விளாசியதாக உருவாக்கப்பட்டுள்ள மீம் லியோவை பார்த்துட்டியா மொமண்ட்.
Click it and Unblock the Notifications
Sign in with Google