வருசம் வேகமா போகுதேனு கவலைப்படாம.. இஎம்ஐ, லோன்லாம் சீக்கிரம் முடியுதேனு சந்தோச படுங்க!
சென்னை : மாதக் கடைசி வந்து விட்டாலே பணம் பற்றிய மீம்ஸ்களைப் பகிர்ந்து புலம்ப ஆரம்பித்து விடுகிறார்கள் நம் நெட்டிசன்கள்.
சம்பளநாளைத் தவிர, மாதத்தின் எந்த நாட்களிலுமே கையில் பணமே இருப்பதில்லை என ஏற்கனவே மக்கள் விரக்தியில் உள்ளனர். போதாக்குறைக்கு மாதக்கடைசி வந்து விட்டது, அடுத்து சம்பளம் வந்து விடும், என இ எம் ஐ ரிமைண்டர்கள் வந்து, அடுத்த மாத கமிட்மெண்ட்களை ஞாபகப் படுத்தி, மக்களின் பிபியை மேலும் எகிறச் செய்கின்றன. இப்போதும் அப்படித்தான் ஜனவரி மாதம் இன்னமும் சில தினங்களில் முடிய இருக்கிறது என்பதை இ எம் ஐ ரிமைண்டர்கள் வந்து ஞாபகப் படுத்தத் தொடங்கி விட்டன.
பிறகென்ன அதை வைத்து தங்கள் ஸ்டைலில் நகைச்சுவையான மீம்ஸ்களைப் பகிரத் தொடங்கி விட்டனர் நம் நெட்டிசன்கள். "வருசம் வேகமா போகுதேனு கவலைப்படாம.. இஎம்ஐ, லோன்லாம் சீக்கிரம் முடியுதேனு சந்தோச படுங்க!" என்றும், சைடுகேப்பில் போனில் வரும் காலர் டியூனை வைத்து, "நா மோசடில சிக்கி பணத்த இழந்தாலும் பரவாயில்ல.. ப்ளீஸ் அந்த காலர் டியூனை நிறுத்துங்களேன்!" என்றும் நகைச்சுவையான மீம்ஸ்களைப் பகிர்ந்து இணையத்தைக் கலகலக்க வைத்து வருகின்றனர்.
இதோ அப்படியாக நம் கண்ணில் பட்ட சில மீம்ஸ்களின் தொகுப்பு உங்களுக்காக...
Click it and Unblock the Notifications
Sign in with Google