நைட்டு தோசைக்கும் தொட்டுக்க முறுக்கு தானா? டேய் இன்னுமாடா அந்த தீபாவளி முறுக்கெல்லாம் தீர்ந்து போகல?

சென்னை : தீபாவளிக்குச் சுட்ட முறுக்கையும், அதிரசத்தையும் தான் இன்னமும் பல வீடுகளில் சாப்பிட தருகின்றனர் என மீம்ஸ் போட்டு புலம்பி வருகின்றனர் நெட்டிசன்கள்.

சமீபகாலமாக மக்களுக்கு விதவிதமாக உணவு சாப்பிடும் ஆர்வம் அதிகரித்திருக்கிறது. அதனால்தான் தெருவுக்கு நாலு விதவிதமான உணவகங்கள் கண்ணில் படுகின்றன. இப்படி காலையில் ஒரு மெனு, மதியம் வேறு மெனு, இரவிற்கு புதிதாக ஒரு மெனு என திட்டமிட்டுச் சாப்பிடும் நம்மவர்களிடம் போய், இன்னமும் தீபாவளி முறுக்கையும், அதிரசத்தையும் தட்டில் வைத்து நீட்டினால் சும்மா இருப்பார்களா? மீம்ஸ்களாக தங்கள் ஆதங்கங்களையெல்லாம் கொட்டித் தீர்த்து வருகின்றனர் சமூகவலைதளப் பக்கங்களில்.

தீபாவளி முடிந்து ஒரு வாரத்திற்கு மேலாகியும், இன்னமும் சாப்பாட்டிற்கு தொட்டுக் கொள்ள முறுக்கைத் தருவதெல்லாம் ரொம்பவே டூமச் என்கின்றன இந்த மீம்ஸ்கள். அதிலும், 'சாப்பாட்டிற்குக்கூட ஓகே.. தோசைக்கெல்லாம் தொட்டுக்க முறுக்கு தராங்க சார்', என்பது மாதிரியான மீம்ஸ்கள்தான் அவர்கள் எந்த அளவிற்குப் பாதிக்கப்பட்டுள்ளார்கள் என்பதைக் காட்டுவதாக உள்ளது.

இன்னும் தீராத அளவிற்கு அப்படி எவ்வளவுதான் செய்து வைத்துள்ளீர்கள் என மீம்ஸ்களின் வாயிலாக கேள்விகளைத் தொடுத்து வருகின்றனர். வீட்டில் நேரடியாக இதைக் கேட்டால், தோசைக்குத் தொட்டுக் கொள்ள முறுக்கு தருவதற்குப் பதிலாக, முறுக்குக்கு தொட்டுக் கொள்ள தோசையைக் குடுத்து விடுவார்களோ என்ற பயம் போலும். இது அவர்கள் முறுக்கு மீம்ஸ்களைப் பகிரும் விதத்தைப் பார்த்தாலே தெரிகிறது.

இதோ அப்படியாக சமூகவலைதளப் பக்கங்களில் நம் கண்ணில் பட்ட நகைச்சுவையான தீபாவளி ஸ்பெஷல் முறுக்கு, அதிரசங்களின் மீம்ஸ் தொகுப்பு உங்களுக்காக...

English summary

These are some jolly memes collection on Diwali sweets.