டேய் யார்றா நீ.. ஹோட்டல்ல வந்து ஆடித்தள்ளுபடி போட்ருக்கீங்களானு கேட்குற?

சென்னை : ஆடி மாதம் என்பதால் பல வீடுகளில் இன்று கூழ் ஊற்றிக் கொண்டிருக்க, வழக்கம் போல் நம் குறும்புக்கார நெட்டிசன்கள் ஆடி மாதத்தை வைத்து நகைச்சுவையான மீம்ஸ்களைப் பகிர்ந்து வருகின்றனர்.

ஆடி மாதம் வந்து விட்டாலே வீடுகள் மற்றும் கோவில்களில் கூழ் ஊற்றும் நிகழ்வு இருக்கும். இந்த கூழின் சுவைக்கு ஆசைப்பட்டே எப்போதுதான் ஆடி மாதம் பிறக்கும் எனக் காத்திருப்பவர்கள் ஏராளம். ஆனால், புதுமணத் தம்பதிகளோ ஆடி மாதத்தில் பிரித்து வைத்து விடுகிறார்களே என நினைத்து, எப்போதுதான் ஆடி மாதம் முடியுமோ எனக் காத்திருப்பார்கள்.

இப்படி ஆடி மாதம் என்றாலே கூழ், புதுமணத் தம்பதி, தள்ளுபடி என ஆயிரத்தெட்டு கண்டெண்ட்டுகள் இருக்க, இவை எல்லாவற்றையும் தாண்டி வித்தியாசமாகச் சிந்தித்து, ஆடி மாதத்தை வைத்து புதுப்புது மீம்ஸ்களாக சமூகவலைதளத்தில் பகிர்ந்து வருகின்றனர் நெட்டிசன்கள்.

அதனால்தான், 'ஆடி மாசம் கேஸ் போடாதனு சொன்னா கேட்டியா.. இப்போ பாரு தள்ளுபடி ஆகிருச்சு', என்றும், 'யார்றா நீ ஹோட்டல்ல வந்து ஆடித்தள்ளுபடி கேக்குற' என்றும் விதவிதமான மீம்ஸ்களை சமூகவலைதளப் பக்கங்களில் பார்க்க முடிகிறது.

இதோ அப்படியாக நம் கண்ணில் பட்ட சில நகைச்சுவையான மீம்ஸ்களின் தொகுப்பு உங்களுக்காக...

English summary

These are some funny memes collection on Aadi month.