கையில் காசில்லாத காரணத்தால்.. இந்த வருசம் ஆடியையே தள்ளுபடி பண்றோம்!
சென்னை: ஆடி மாதம் பிறந்து விட்டதே என புதுமணத் தம்பதிகள் பிரிவு கவலையில் இருக்க, 'ஆடித் தள்ளுபடினு நம்ம பாக்கெட்டை பதம் பார்ப்பார்களே' என பழைய தம்பதிகள் வேறு மாதிரி கவலையில் உள்ளனர் என மீம்ஸ் போட்டு கலாய்த்து வருகின்றனர் நெட்டிசன்கள்.
ஏற்கனவே ஜூன் மாதம் பள்ளிக் கட்டணம், யூனிபார்ம் என எக்ஸ்ட்ரா செலவுகள் பாக்கெட்டைப் பதம் பார்த்துவிட, இந்த மாதமாவது கொஞ்சம் பட்ஜெட்டைப் பார்த்து போடலாம் என நினைத்திருந்தவர்களுக்கு, ஆடித் தள்ளுபடி என்ற வார்த்தை ஆடிப் போக வைத்திருக்கிற்அது. முன்பெல்லாம்கூட துணிகளுக்குத்தான் ஆடித் தள்ளுபடி தருவார்கள். எனவே வேண்டும் என்பவர்கள் வாங்கிக் கொள்ளலாம், வேண்டாம் என்பவர்கள் தப்பித்துக் கொள்ளலாம்.
இப்போது நிலைமையே தலைகீழ். கடைவீதியில் உள்ள எல்லா கடைகளிலுமே ஆடித் தள்ளுபடி என்ற அட்டை தொங்குகிறது. சில இடங்களில் உணவகங்களில்கூட ஆடி ஸ்பெஷலாக தள்ளுபடி தருகிறார்களாம். இப்படி எங்கு திரும்பினாலும் தள்ளுபடி, தள்ளுபடி என்ற விளம்பரங்களைப் பார்த்து, வெறுத்துப் போன நம் நெட்டிசன்கள், மீம்ஸ் போட்டு கலாய்க்கத் தொடங்கி விட்டனர்.
இதோ அப்படியாக சமூகவலைதளப் பக்கங்களில் நம் கண்ணில் பட்ட ஆடித் தள்ளுபடி மீம்ஸ்களின் தொகுப்பு உங்களுக்காக...
Click it and Unblock the Notifications
Sign in with Google