சொன்னா தாங்க மாட்டீங்கடா.. வரலாற்றை தோண்டாம போய் உங்க வேலைய பாருங்க!
சென்னை : பிளஸ் டூ பொதுத்தேர்வு முடிவுகள் வெளியாகி விட்டதால், அதை வைத்து மாணவர்களிடம் கேட்கப்படும் மார்க் எவ்வளவு, அடுத்து என்ன படிக்கப் போற போன்ற கேள்விகளைக் கலாய்த்து மீம்ஸ்களைப் பகிர்ந்து வருகின்றனர் சமூகவலைதளப் பக்கங்களில்.
ஏதாவது தேர்வு முடிவுகள் வெளியாகிறது என்றாலே, நம் மக்களுக்கு உடனே தங்களுக்குத் தெரிந்து அந்தத் தேர்வை எழுதியவர்களின் மதிப்பெண்களைத் தெரிந்து கொள்ள வேண்டும் என்ற ஆர்வம் தானாக வந்து விடும். அதுவும் பள்ளிப் பொதுத்தேர்வு முடிவுகள் என்றால் கேட்கவே வேண்டாம். 'நாங்களாம் அந்தக் காலத்துல..' என்பதில் ஆரம்பித்து, 'நீ எவ்ளோ மார்க்.. அடுத்து என்ன படிக்கப் போற' என்பது வரை, எதிர்ப்படும் மாணவர்களை எல்லாம் ஒரு வழி செய்து விடுவார்கள்.
தற்போதும் அப்படித்தான், தமிழ்நாட்டில் மாநில பாடத் திட்டத்திற்கான பிளஸ் 2 பொதுத் தோ்வு முடிவுகள் தற்போது வெளியாகியுள்ள நிலையில், இப்படி மாணவர்களையும், அவர்களது பெற்றோர்களையும் கேள்விகளால் பாடாய் படுத்துபவர்களைக் கலாய்த்து நகைச்சுவையான மீம்ஸ்களைப் பகிர்ந்து வருகின்றனர் நெட்டிசன்கள்.
"என்கிட்ட மார்க் கேட்குறவன் ரத்தம் கக்கி சாவான்னு.. வாட்சப்ல ஸ்டேட்டஸ் வச்சிருக்கான்டி உன் புள்ள!" என்றும், "சொன்னா தாங்க மாட்டீங்கடா.. வரலாற்றை தோண்டாம போய் உங்க வேலைய பாருங்கடா!" என்றும் விதவிதமான மீம்ஸ்களைப் பகிர்ந்து இணையத்தைக் கலகலக்க வைத்து வருகின்றனர்.
இதோ அப்படியாக நம் கண்ணில் பட்ட சில மீம்ஸ்களின் தொகுப்பு உங்களுக்காக...
Click it and Unblock the Notifications
Sign in with Google