உடனே நீ ரேசன்கடைக்கு செல்.. அங்கு பொங்கல்பரிசு தரப்படுவதாக ஒரு உளவுசெய்தி வந்துள்ளது!

ரேசன் கடைகளில் பொங்கல் பரிசு தரப்படுவதை வைத்து சமூகவலைதளங்களில் நகைச்சுவையான மீம்ஸ்கள் பகிரப்பட்டு வருகின்றன.

சென்னை: ரேசன் கடைகளில் பொங்கல் பரிசுத் தொகை தரப்படுவதை வைத்து, நகைச்சுவையான மீம்ஸ்களைப் பகிர்ந்து வருகின்றனர் நெட்டிசன்கள்.

தைத் திருநாளாம் பொங்கல் பண்டிகைக்கு இன்னும் சில தினங்களே உள்ள நிலையில், முன்கூட்டியே தியேட்டர்களில் புதுப்படங்கள் ரிலீசாகி விட்டன. முன்னணி நடிகர்களின் படங்கள் என்பதால், ஒருபுறம் அங்கு கூட்டம் அலைமோதிக் கொண்டிருக்க, அதற்கு இணையாக கூட்டம் அலைமோதும் மற்றொரு இடமாக ரேசன் கடைகள் உள்ளன.

காரணம், பொங்கல் பரிசுத் தொகை மற்றும் பரிசுப் பொருட்கள் அங்கு வழங்கப்படுவதுதான். வேலைநாள் என்பதால் பலர் விடுமுறை எடுத்து பொங்கல் பரிசை வாங்கியே தீருவது என வரிசை கட்டி ரேசன் கடைகளில் நிற்கிறார்கள்.

பிறகென்ன வாரிசு, துணிவு ரிலீஸ் மாதிரி, பொங்கல் பரிசையும் சமூகவலைதளங்களில் மீம்ஸ் போட்டு கொண்டாடி வருகின்றனர் நெட்டிசன்கள். ரேசன் கடை பக்கமே தலை வைத்துப் படுக்காதவர்கள்கூட, பொங்கல் பரிசு ரூ. 1000 வாங்குவதற்காக, ரேசன்கார்டையே அபேஸ் செய்து, க்யூவில் நிற்பதாக கலாய்த்து வருகின்றனர்.

இதோ அப்படியாக சமூகவலைதளங்களில் நம் கண்ணில் பட்ட நகைச்சுவையான பொங்கல் பரிசு மீம்ஸ்கள் சில உங்களுக்காக...

English summary

These are some jolly memes collection on Pongal gift.