புரட்டாசிய புயல் வேகத்துல கடக்கணும்.. இடைல பாய் வீட்டுகல்யாணம் எதுவும் வந்துடகூடாது!
சென்னை: 'எப்படியோ புரட்டாசி மாதத்தில் இரண்டு நாட்களைக் கடந்து விட்டோம்.. மீதியிருக்கும் நாட்களையும் புயல் வேகத்தில் கடக்க வேண்டும்.. இடையில் எந்த பாய் வீட்டு கல்யாணமும் வந்து விடக்கூடாது' என வித்தியாசமாக மீம்ஸ் போட்டு வேண்டி வருகின்றனர் நெட்டிசன்கள்.
ரமணா விஜயகாந்த் டயலாக் மாதிரி, நாடி நரம்பில் எல்லாம் கறி, மீன் சுவை ஊறிய அசைவப் பிரியர்களுக்கு தமிழில் பிடிக்காத மாதம் என்றால் அது புரட்டாசி தான். ஒரு வாரமே அசைவம் சாப்பிடாமல் ஆறு நாட்களைக் கடக்க முடியாமல், இடையில் புதன்கிழமையும் கறி எடுத்து சாப்பிடுபவர்கள் நம்மவர்கள். அவர்களைப் போய் ஒரு மாதம் கறிக்கடை பக்கமே தலை வைத்துக்கூட படுக்கக்கூடாது என்றால் என்ன செய்வார்கள்.
என்னதான் மனக்கட்டுப்பாடுடன் இருந்தாலும், அசைவக் கடைகளைக் கடக்கும் போது, 'அது வேற டிபார்ட்மெண்ட் பாஸ்...' என நாக்கில் எச்சில் ஊறுவது தவிர்க்க முடியாததாகி விடுகிறது. சரி, சாப்பிடத்தான் முடியாது.. மீம்ஸ் போட்டாவது கொஞ்சம் புலம்பிக் கொள்ளலாம் என நெட்டிசன்கள் நினைத்து விட்டார்கள் போலும். அதனால்தான் புரட்டாசி ஸ்பெஷல் மீம்ஸ்கள் சமூகவலைதளங்களில் அதிகம் பகிரப்பட்டு வருகின்றன.
இதோ அப்படியாக நம் கண்ணில் பட்ட நகைச்சுவையான சில மீம்ஸ்களின் தொகுப்பு உங்களுக்காக..
Click it and Unblock the Notifications
Sign in with Google