புரட்டாசி வந்தா நான் ஏன்டா வருத்தப்படணும்.. நான் எப்பவுமே வெஜிடேரியன்தான்டா!
சென்னை : ஞாயிற்றுக்கிழமை என்றாலே அசைவ உணவு சாப்பிட்டேயாக வேண்டும் என எழுதப்படாத சட்டம் வைத்துள்ள நம் அசைவ உணவுப் பிரியர்கள், எப்போது புரட்டாசி மாதம் முடியும் என இப்போதே புலம்ப ஆரம்பித்து விட்டனர்.
புரட்டாசி மாதத்தைக் கடப்பதுதான் அசைவ உணவுப் பிரியர்களுக்கு இருக்கும் மிகப்பெரிய சவால். அதிலும் புரட்டாசி மாதம் வரும் ஞாயிற்றுக்கிழமைகளில், அசைவ உணவை நினைத்துக்கூட பார்க்காமல் தவிர்ப்பது அவ்வளவு எளிதான காரியமில்லை. அதனால்தான், புரட்டாசி மாதம் பிறந்து, வந்துள்ள முதல் ஞாயிறான இன்று மீம்ஸ் போட்டு புலம்போ புலம்பென்று புலம்பி வருகின்றனர் நம் நெட்டிசன்கள்.
அசைவ உணவு சாப்பிட முடியாதவர்கள் ஒருபுறம் புலம்பி வருகிறார்கள் என்றால், 'எங்களுக்கு இது புரட்டாசி மாதமில்லை.. செப்டம்பர்தான்' எனக் கூறிக் கொண்டு வழக்கம்போல் அசைவம் சாப்பிடும் மக்கள், 'ஆடி மாதம் ஆடைகளுக்கு தள்ளுபடி தருவது மாதிரி.. புரட்டாசி மாதம் சிக்கன், மட்டனுக்கெல்லாம் தள்ளுபடி தர மாட்டார்களா?' என மீம்ஸ்கள் வாயிலாகக் கேட்டு வருகின்றனர்.
இதோ அப்படியாக சமூகவலைதளப் பக்கங்களில் நம் கண்ணில் பட்ட நகைச்சுவையான சில மீம்ஸ்களின் தொகுப்பு உங்களுக்காக...
Click it and Unblock the Notifications
Sign in with Google