எங்க பேஸ்கட்டைப் பார்த்தாலே தெரிய வேணாமா? இன்னும் பச்சப்புள்ளையாவே இருக்கீங்களே!
சென்னை: புரட்டாசி மாதம் என்றாலே கதறிக் கதறி அழும் நம் அசைவ உணவுப் பிரியர்கள், ஞாயிற்றுக்கிழமையும் அதுவுமாக சும்மா இருப்பார்களா? அசைவம் சாப்பிட முடியாத தங்களது ஏக்கத்தை எல்லாம் மீம்ஸ்களாகக் கொட்டி வருகின்றனர்.
ஞாயிற்றுக்கிழமை என்றாலே நம் அசைவ உணவுப் பிரியர்களுக்கு, தட்டில் சிக்கன், மட்டன், மீன் என ஏதாவது ஒரு ஸ்பெஷல் இருந்தாக வேண்டும். அப்படி சாப்பிட முடியாமல் போனால், அந்த ஞாயிறை அவர்கள் மீம்ஸ் போட்டே திட்டித் தீர்த்து விடுவார்கள். இப்படியிருக்க, புரட்டாசி மாதத்தைக் காரணம் காட்டி ஒரு மாதம் அசைவம் சாப்பிடக் கூடாது என தடை விதித்தால் எப்படிப் பொறுத்துக் கொள்வார்கள்?
தங்களது மனக் குமுறல்களை எல்லாம் மீம்ஸ்களாக சமூகவலைதளங்களில் பகிர்ந்து வரும் அவர்கள், கூடவே தங்களால் நஷ்டப்பட்டு போகும் கறிக்கடைக்காரர்களின் கவலையையும் மீம்ஸ்களாக்கி இருப்பது ரசிக்கும்படி உள்ளது.
இதோ அப்படியாக சமூகவலைதளங்களில் நம் கண்ணில் பட்ட புரட்டாசி முதல் ஞாயிறு ஸ்பெஷல் மீம்ஸ்களின் தொகுப்பு உங்களுக்காக...
Click it and Unblock the Notifications
Sign in with Google