அந்தக் காலத்துல மழைனா கூரை வீடுதான் ஒழுகும்.. இப்போ வீடே முழுசா மூழ்குது!

சென்னை: தமிழகத்தில் தென் மாவட்டங்களில் மழை வெளுத்து வாங்கி வருவதை வைத்து மீம்ஸ் மழை பொழிந்து வருகின்றனர் நெட்டிசன்கள்.

டிசம்பர் மாத மழை என்றால் சென்னை உட்பட சில வடமாவட்டங்கள்தான் வருடா வருடம் பயப்படுவார்கள். இப்படியெல்லாம்கூட மழை பெய்யுமா? என சென்னை வெள்ளத்தை தென் மாவட்டத்தைச் சேர்ந்தவர்கள் தொலைக்காட்சியிலும், செய்தித்தாள்களிலும் பார்த்துத்தான் தெரிந்து கொள்வார்கள்.

ஆனால் இந்த முறை சென்னைக்கு ஈடாக, தென் மாவட்டங்களிலும் மழை வெளுத்து வாங்கி வருகிறது. ஆரம்பத்தில், 'அட நம்மூரிலும் சாலைகளில் இப்படி தண்ணீர் வெள்ளமாக ஓடுகிறதே' என விளையாட்டுத்தனமாக நினைத்தவர்கள், இப்போது தொடர்ந்து கொட்டி வரும் மழை மற்றும் மழை பற்றிய அறிவிப்புகளால் கொஞ்சம் உஷார் நிலைக்கு சென்று வருகின்றனர்.

இது ஒருபுறம் இருக்க, இந்த மழையால் மீண்டும் மழை மற்றும் வெள்ளம் பற்றிய மீம்ஸ்களை தூசி தட்டி எடுத்திருக்கின்றனர் நெட்டிசன்கள். மீண்டும் சென்னை மழையை வைத்தும், தென்மாவட்ட மழையை வைத்தும் நகைச்சுவையான மீம்ஸ்களைப் பகிர்ந்து வருகின்றனர்.

இதோ அப்படியாக சமூகவலைதளப் பக்கங்களில் நம் கண்ணில் பட்ட நகைச்சுவையான சில மீம்ஸ்களின் தொகுப்பு உங்களுக்காக...

English summary

These are some jolly memes collections on rain