ஆக. 2னு பார்த்தாலே.. நம்ம மைண்ட்ல சுயம்புலிங்கம் தென்காசிக்கு போனதுதான் ஞாபகம் வருது!
சென்னை: ஆண்டுதோறும் மறக்காமல் ஆகஸ்ட் 2ம் தேதி மீம்ஸ் போட்டு, சுயம்புலிங்கம் தன் குடும்பத்தோடு தென்காசி தியானத்திற்கு போனதை நினைவு கூர்ந்து வருகின்றனர் நெட்டிசன்கள்.
வெள்ளிவிழா கண்ட வெற்றிப் படங்களை ரசிகர்கள் எப்போதுமே கொண்டாடுவது வழக்கம்தான். ஆனால், படம் ரிலீசாகி 10, 20 அல்லது 25 ஆண்டுகள் கழித்து அதன் வெற்றியைக் கொண்டாடுவார்கள். ஆனால், ஆண்டுதோறும் ஒரு குறிப்பிட்ட படத்தைக் கொண்டாடி வருகிறார்கள் என்றால் கேட்பதற்கே ஆச்சர்யமாக இருக்கிறதல்லவா..
ஆம், அப்படம் கடந்த 2015ம் ஆண்டு ஜீத்து ஜோசப் இயக்கத்தில் கமல், கௌதமி உள்ளிட்டோர் நடிப்பில் வெளியான படம் பாபநாசம். மலையாளத்தில் மோகன்லால் நடித்த திரிஷ்யம் படத்தின் தமிழ் ரீமேக்தான் இந்தப்படம். இப்படம் வெளியாகி கிட்டத்தட்ட எட்டு ஆண்டுகள் ஆகி விட்டது. இதில் குழந்தை நட்சத்திரமாக நடித்த சிறுமிகூட தற்போது கதாநாயகி ஆகி விட்டார்.
ஆனால், இந்தப்படம் வெளியான அடுத்த ஆண்டிலிருந்தே ஒவ்வொரு ஆண்டும் ஆகஸ்ட் 2 ம் தேதி மறக்காமல், சுயம்புலிங்கம் குடும்பத்துடன் தென்காசி சென்ற நாளை மீம்ஸ் போட்டு கொண்டாடி வருகின்றனர் ரசிகர்கள்.
இதோ அப்படியாக சமூகவலைதளங்களில் நம் கண்ணில் பட்ட நகைச்சுவையான சுயம்புலிங்கம் மீம்ஸ்களின் தொகுப்பு உங்களுக்காக...
Click it and Unblock the Notifications
Sign in with Google