லீவு விட்டாச்சு.. ஆனா இன்னும் இவ ஊருக்கு போறதை பத்தி வாயையே தொறக்க மாட்டேங்குறாளே!
சென்னை : பள்ளித் தேர்வுகள் பல வகுப்புகளுக்கு முடிந்து விட்டன. இன்னும் சில வகுப்புகளுக்கு விரைவில் முடிய இருக்கின்றன. பிறகென்ன குழந்தைகளின் கோடை விடுமுறையை இப்போதே மீம்ஸ் போட்டுக் கொண்டாடத் தொடங்கி விட்டனர் நம் நெட்டிசன்கள்.
வழக்கமாக கோடை விடுமுறை தொடங்குகிறது என்றாலே மறக்காமல், 'கொலம்பஸ் கொலம்பஸ்.. விட்டாச்சு லீவு.. கொண்டாடக் கண்டுபிடித்து கொண்டா புதுத்தீவு" என மறக்காமல் குழந்தைகளைவிட பெரியவர்கள் ஸ்டேட்டஸ் போட்டுக் கொண்டாட ஆரம்பித்து விடுவார்கள். அதிலும் குறிப்பாக பெண்களுக்கு, இனி இரண்டு மாதங்களுக்கு காலையில் சீக்கிரம் எழுந்திருக்க வேண்டும், அவசர அவசரமாக சாப்பாடு செய்ய வேண்டும் என்ற கவலையில்லை என்பதை நினைக்கும் போதே அவ்வளவு மகிழ்ச்சியாக இருக்கும்.
பெண்களுக்கு அப்படியென்றால், ஆண்களுக்கு வேறு மாதிரி சந்தோசம். ஆம், மனைவி, குழந்தைகளை அழைத்துக் கொண்டு அம்மா வீட்டுக்கு விடுமுறைக்குச் சென்று விட்டால், சொந்த வீடே கணவர்களுக்கு சுற்றுலாத்தளம் மாதிரி குதூகலமாகி விடும். அதனாலேயே, இப்போதெல்லாம் குழந்தைகளைவிட பெரியவர்கள் கோடை விடுமுறையை அதிகம் எதிர்பார்க்கத் தொடங்கி விட்டனர் என்பது, அவர்கள் பகிரும் மீம்ஸ்களைப் பார்த்தாலேத் தெரிகிறது.
"லீவு விட்டாச்சு.. ஆனா இன்னும் இவ ஊருக்கு போறதை பத்தி வாயையே தொறக்க மாட்டேங்குறாளே!" என ஆண்கள் ஒருபுறம் பீல் பண்ணிக் கொண்டிருக்க, மற்றொருபுறம் மாணவர்களின் பள்ளி நினைவுகளை வைத்தும் நகைச்சுவையான மீம்ஸ்களைப் பகிர்ந்து வருகின்றனர் நெட்டிசன்கள்.
இதோ அப்படியாக சமூகவலைதளப் பக்கங்களில் நம் கண்ணில் பட்ட சில மீம்ஸ்களின் தொகுப்பு உங்களுக்காக...
Click it and Unblock the Notifications
Sign in with Google