சும்மா சும்மா என்னை தொறந்து பார்க்காத.. ரொம்ப வெக்கையா இருந்தா ஏசி வாங்கி மாட்டு!

Published: Tuesday, April 15, 2025, 21:50 [IST]

Subscribe to Oneindia Tamil

சென்னை : அடிக்கிற வெயிலுக்கு இதமாக ஊட்டி, கொடைக்கானல் என மலைவாசஸ்தலங்களுக்குச் செல்லலாம் என்றால், அங்கே ஒரு சொந்தக்காரர்கள் வீடுகூட இல்லையே என மீம்ஸ் போட்டு புலம்பி வருகின்றனர் சமூகவலைதளப் பக்கங்களில்.

ஏப்ரல் தன் வேலையைக் காட்ட ஆரம்பித்து விட்டது. பகலில் வெயிலின் தாக்கமும், இரவில் புழுக்கமும் அதிகமாகி விட்டது. தென் மாவட்டங்களிலாவது அவ்வப்போது கொஞ்சம் மழை தலையைக் காட்டி வருகிறது. இந்தப்பக்கம் அதுகூட இல்லை. பிறகென்ன வழக்கம் போல் வெயிலுக்கு இதமாக புலம்பல் மீம்ஸ்களைப் பகிர ஆரம்பித்து விட்டனர் நம் மக்கள்.

கோடை விடுமுறை வேறு தொடங்கப் போகிறது.. சரி, வெயிலுக்கு இதமாக ஏதாவது மலைப்பிரதேசங்களுக்குச் செல்லலாம் என்றால், சொந்தக்காரர்கள் வீடு எதுவும் அங்கு இல்லையே என சைடுகேப்பில் சொந்தக்காரர்களையும் மீம்ஸ் போட்டுத் திட்டி வருகின்றனர். கூடவே, "சும்மா சும்மா என்னை யாரும் தொறந்து பார்க்க வேணாம்... ரொம்ப வெக்கையா இருந்தா ஏசி வாங்கி மாட்டுங்க" என வெயிலுக்கு இதமாக அடிக்கடி பிரிட்ஜைத் திறந்து பார்ப்பவர்களையும் மீம்ஸ்களில் கலாய்த்துள்ளனர்.

இதோ அப்படியாக சமூகவலைதளப் பக்கங்களில் நம் கண்ணில் பட்ட வெயில் ஸ்பெஷல் மீம்ஸ்களின் தொகுப்பு உங்களுக்காக...