டேய்.. டேய்.. மார்ச்சுக்கே பதறுனா எப்டி.. மே மாசம் கொளுந்து விட்டு எரிய போறேன்.. அப்போ என்ன பண்ணுவ?

சென்னை : வெயிலை நினைத்து தினமும் மீம்ஸ் போட்டு புலம்புவதே நம் நெட்டிசன்களுக்கு மிகப் பெரிய பொழுதுபோக்காகி விட்டதோ என நினைக்கும் அளவிற்கு, வெயில் பற்றிய மீம்ஸ்களால் சமூகவலைதளப் பக்கங்கள் சூடாகிப் போய் கிடக்கின்றன.

பள்ளி மாணவர்கள் ஏறக்குறைய பொதுத்தேர்வுக்கு அருகில் வந்து விட்டனர். பல பள்ளிகளில் பொதுத்தேர்வுகளே முடிந்து விட்டன. ஆனால் வெயில் காலத்தில் அவர்களை வீட்டில் வைத்து எப்படி சமாளிக்கப் போகிறோம் என்ற கவலை பெற்றோருக்கு வந்து விட்டது. இந்தக் கவலை ஒருபுறம் என்றால், வெயில் காலத்தில் வேலைக்குச் செல்பவர்களுக்கு வேறு மாதிரி கவலைகள் இருக்கிறது.

அது என்னவென்றால் மார்ச் மாதமே இப்படி கொளுந்து விட்டு சூரியன் கொளுத்துகிறதே.. ஏப்ரல், மே மாதங்கள் எல்லாம் இனி எப்படி இருக்குமோ என்பதுதான் அது. அந்த மாதங்களில் எப்படி அலுவலகம் சென்று வரப் போகிறோம், அலுவலக விசயங்களுக்காக எப்படி வெளியில் அலையப் போகிறோம் என இப்போதே மீம்ஸ் போட்டு புலம்ப ஆரம்பித்து விட்டனர்.

அவர்களது பயத்தை அதிகரிப்பது போல், "டேய்.. டேய்.. மார்ச்சுக்கே பதறுனா எப்டி.. மே மாசம் கொளுந்து விட்டு எரிய போறேன்.. அப்போ என்ன பண்ணுவ?" என சூரியனின் மைண்ட் வாய்ஸை எல்லாம் மீம்ஸ்களாக்கி, மேலும் அவர்களது புலம்பலை அதிகமாக்கி வருகின்றனர் நம் குறும்புக்கார நெட்டிசன்கள்.

இதோ அப்படியாக சமூகவலைதளப் பக்கங்களில் நம் கண்ணில் பட்ட சில நகைச்சுவையான வெயில் பற்றிய மீம்ஸ்களின் தொகுப்பு உங்களுக்காக...

English summary

These are some jolly memes collection on summer heat