மதியசாப்பாடு முடிந்ததும்.. நம் உடம்பில் உள்ள எல்லா செல்களுமே ‘ஸ்லீப்பர்’ செல்கள்தான்!

Published: Sunday, July 7, 2024, 17:38 [IST]

Subscribe to Oneindia Tamil

சென்னை: ஞாயிறு என்றாலே வீட்டில் விதவிதமாக சமைப்பதுபோல், சமூகவலைதளப் பக்கங்களிலும் விதவிதமான சாப்பாடு மீம்ஸ்களைப் பகிர்ந்து விடுகின்றனர் நெட்டிசன்கள்.

வாரத்தில் உள்ள மற்ற ஆறு நாட்களைவிட ஞாயிறு என்பது அனைவருக்குமே கொஞ்சம் எக்ஸ்ட்ரா ஸ்பெஷல்தான். என்னதான் சிலருக்கு அன்றைய தினம் வேலை இருந்தாலும்கூட, ஞாயிறு என்ற சொல்லைக் கேட்டதுமே புது உற்சாகம் வந்துவிடும். அந்தளவிற்கு ஞாயிறு என்ற மந்திரச் சொல்லுக்கு வலிமை.

இப்படி ஞாயிற்றுக்கிழமையை மக்கள் கொண்டாட பல காரணங்கள் உண்டு. அதில் முக்கியமானது ஞாயிறு மதிய சாப்பாடு. மற்ற நாட்களைவிட ஞாயிறு மதியம்தான் நிம்மதியாக சாப்பிட்டு, ஒரு குட்டித்தூக்கம் போட முடியும் என்பது மக்களின் எதிர்பார்ப்பு. ஆனால் இது எல்லோருக்கும் வாய்த்துவிடுவதில்லை.

நிஜம் இப்படியாக இருக்க, வழக்கம்போல் வீட்டில் சமைக்கிறார்களோ இல்லையோ இந்த வாரமும் சாப்பாடு பற்றிய மீம்ஸ்களால் இணையத்தை கமகமக்க வைத்து வருகின்றனர் நெட்டிசன்கள். இதோ அப்படியாக நம் கண்ணில் பட்ட சில மீம்ஸ்களின் தொகுப்பு உங்களுக்காக...