என்னதான் 1008 வேல இருந்தாலும், சன்டே மதியம் பேன் சீப்பும், தேங்காய் எண்ணெய்யும்தான்!
சென்னை: ஞாயிறு என்பது சாப்பிடுவதற்காக மட்டும் ஒதுக்கப்பட்டதல்ல.. அன்று எண்ணெய் வைத்து பேன் சீவும் முக்கியமான வேலையும் உள்ளது என மீம்ஸ் போட்டு உண்மையை உரக்கக் கூறி வருகின்றனர் நம் நெட்டிசன்கள்.
ஞாயிறு என்றாலே வழக்கமாக சாப்பாடு பற்றிய மீம்ஸ்களால்தான் சமூகவலைதளப் பக்கங்கள் கமகமத்துக் கிடக்கும். ஆனால் அன்றைய தினம் சாப்பாட்டைத் தாண்டி, முடி வெட்ட வேண்டும், துணி துவைக்க வேண்டும், வீட்டைச் சுத்தப்படுத்த வேண்டும், ஊர் சுற்ற வேண்டும் என ஆயிரத்தெட்டு மற்ற வேலைகளையும் மக்கள் வைத்திருப்பார்கள் என அவ்வப்போது மீம்ஸ் போட்டு ஞாபகப் படுத்துவார்கள்.
ஆனால், இந்தப் பட்டியலில் வராத ஒரு முக்கியமான வேலையும் ஞாயிற்றுக்கிழமைக்கு உண்டு. அது, எண்ணெய் வைத்து பேன் சீவுவது. பள்ளி, கல்லூரி செல்லும் பெண்கள், (சில ஆண்களுக்கும் இது பொருந்தும்) ஞாயிற்றுக்கிழமைகளில்தான் ஆற அமர, தலைக்கு எண்ணெய் வைத்து, சிக்கெடுத்து, பேன் சீவி, அடுத்த ஒரு வாரத்துக்கு தேவையான அளவிற்கு தலையைச் சுத்தப்படுத்தி வைப்பார்கள்.
இத்தனை நாள் மீம்ஸ்களில் விட்டுப் போயிருந்த இதை, இந்த வாரம் மறக்காமல் எடுத்து மீம்ஸாக்கி இருக்கிறார்கள் நம் மீமர்கள். இதுபோன்ற யதார்த்தமான மீம்ஸ்கள் தவிர, வழக்கமான தூக்கம், சாப்பாடு பற்றிய மீம்ஸ்களும் அதிகம் பகிரப்பட்டு வருகின்றன.
இதோ அப்படியாக நம் கண்ணில் பட்ட நகைச்சுவையான சில மீம்ஸ்களின் தொகுப்பு உங்களுக்காக...
Click it and Unblock the Notifications
Sign in with Google